تۆرک جمهوریتلرینده میدانا گلن گلیشمه‌لر
اسکیدن قوزئی قیبریس تۆرک جمهوریتینی یالنیز تۆرکیه دستکلرکن، آرتیق آذربایجان و دیگر تۆرک جمهوریتلری ده لئفکوشانین دستکچیلری آراسیندادیرلار
گئچه‌ن هفته باتی تۆرک جمهوریتلری آراسیندا سفر ترافیکی یاشاندی. ایندی بونلارا سیراسی ایله باخاجاغیق.
۱۹ فوریه ۲۰۲۴ تاریخینده آذربایجان جمهورباشقانی ایلهام علییئو، یئنیدن جمهورباشقانی سئچیلدیکدن سونرا ایلک رسمی سفرینی تۆرکیه‌یه گئرچکلشدیردی. آنکارادا مراسیمله قارشیلانان جمهورباشقانی ایلهام علییئو، تۆرکیه جمهورباشقانی رجب طیب اردوغان ایله باش باشا و هیئتلر آراسی گؤروشمه‌لر ائتدی. گؤروشمه‌لردن سونرا ایکی اؤلکه آراسیندا ۳ آنلاشما ایمضالاندی. بو آنلاشمالار آراسیندا تۆرکیه-آذربایجان اونیوئرسیته‌سینین قورولماسینا دایر آنلاشما دا واردی. باکی شهرینده بو ایل فعالیته گئچه‌جک اونیوئرسیته تۆرکجه و اینگیلیزجه تحصیل وئره‌جک.
جمهورباشقانی ایلهام علییئو آنکارادا وئردیگی آچیقلامادا، قوزئی قیبریس تۆرک جمهوریتی جمهورباشقانی ارسین تاتارین بو ایل آذربایجانین شوشا شهرینده ائدیله‌جک تۆرک دؤولتلر تشکیلاتی ذیروه‌سینه قاتیلاجاغینی بیلدیردی. اسکیدن قوزئی قیبریس تۆرک جمهوریتینی یالنیز تۆرکیه دستکلرکن، آرتیق آذربایجان و دیگر تۆرک جمهوریتلری ده لئفکوشانین دستکچیلری آراسیندادیرلار.
۲۰ فوریه ۲۰۲۴ تاریخینده تۆرکسوی باش کاتیبلیگی بیناسیندا رئوف دنکتاش دوغومونون ۱۰۰.جو ایل‌دؤنومو دولاییسییلا آنیلدی. آنما ییغینجاغینا قوزئی قیبریس تۆرک جمهوریتی جمهورباشقانی ارسین تاتار، تۆرکیه جمهورباشقانی کؤمکچیسی جؤودت ییلماز و دیگر مقاملار قاتیلدی. ییغینجاقدا قوزئی قیبریس تۆرک جمهوریتی قوروجو جمهورباشقانی رئوف دنکتاشین صنعتچیلیک، یازیچیلیق و شاعیرلیک کیمی فرقلی یؤنلری ایشتیراکچیلارا تانیدیلدی.
قوزئی قیبریس تۆرک جمهوریتی باشباخانی اۆنال اۆست‌اَل یئنی آذربایجان پارتیسینین دعوتی اۆزرینه ۲۰ فوریه ۲۰۲۴ تاریخینده آذربایجانا سفر گئرچکلشدیردی. باشباخان اۆست‌اَل باکی شهرینده یئنی آذربایجان پارتیسی باشقان کؤمکچیسی طاهیر بوداغوو ایله گؤروشدو.
تۆرکیه بؤیوک میللت مجلیسی باشقانی نعمان قورتولموش ۲۲ فوریه ۲۰۲۴ تاریخینده باکییا سفر ائد‌رک آسیا پارلامنترلر آسامبلهسی ۱۴.جو باش قورولونا قاتیلدی. باش قورولدا آسیا پارلمنترلر آسامبلهسی دؤنم باشقانلیغی تۆرکیه‌دن آذربایجانا وئریلدی. سفر چرچیوه‌سینده تۆرکیه بؤیوک میللت مجلیسی باشقانی قورتولموش آذربایجان باشباخانی علی اسدوو، آذربایجان میللی مجلیسی باشقانی صاحبه غافارووا ایله گؤروشمه‌لر گئرچکلشدیردی.
***
۲۱ فوریه ۲۰۲۴ تاریخینده قازان شهرینده گله‌جیگین اویونلاری ۱.جی اولوسلارآراسی ایدمان تورنمنتینین آچیلیش مراسیمی ائدیلدی. چوخلو ایدمان تورنمنتینین آچیلیش مراسیمینه بلاروس، قازاقیستان، قیرقیزیستان، اؤزبکیستان، روسییا، صربیستان و تاجیکیستان جمهورباشقانی قاتیلدی. گله‌جگین اویونلارینا ۱۰۷ اؤلکه‌دن ۲ میندن چوخ ایدمانچی قاتیلیر. روسیا فدراسیونو دؤولت باشقانی ولادیمیر پوتین و تاتاریستان رئیسی روستم میننیخانوو قوناق جمهورباشقانلاری ایله قازان شهرینده ایکیلی گؤروشمه‌لر ائتدی. تاتاریستان رئیسی روستم میننیخانوو بلاروس جمهورباشقانی آلئکساندر لوکاشئنکو، قیرقیزیستان جمهورباشقانی سادیر جاپارووا دوستلوق نیشانی تقدیم ائتدی. تحریملره معروض قالان روسیا باخیمیندان، بو جور فعالیتلر روسیانین دونیادان یالنیزلاشمادیغینی گؤستردیگی اوچون اؤنم ایفاده ائدیر. گله‌جک اویونلاری ۳ مارس ۲۰۲۴ تاریخینه قدر سوره‌جک.
