آرتور قاسیرغاسی کانادانی ووردو
ساعاتدا اورتالاما 110 کیلومتر سرعتله اسن قاسیرغا، اؤزو ایله گتیردیگی یاغیشلا حیاتی فلج ائتدی
آرتور قاسیرغاسی کانادانی ووردو
آمریکانین فلوریدا ایالتینده ایکی گون اوّل باشلایان تروپیک آرتور قاسیرغاسی، کانادادا تأثیرلی اولماغا باشلادی.
کانادانین شرق ایالتلری نووا اسکوتیا و نیو برونسویک ایله پرینس ادوارد ایسلندده ساعاتدا اورتالاما 110 کیلومتر سرعتله اسن قاسیرغا، اؤزو ایله گتیردیگی یاغیشلا حیاتی فلج ائتدی.
قاسیرغا و شدتلی یاغیشلا یارانان سئل باسقینلاری سببیله گوندهلیک حیات دایانارکن، اوچ ایالتده الکتریکلر کسیلدی، اوچاق سفرلری لغو ائدیلدی و بعضی یوللار ترافیکه باغلاندی.
اؤلکهنین جنوب-شرق بؤلگهسینده 300 میندن چوخ ائو و ایش یئرینه انرژی انتقال خطلرینین قوپماسی سببیله الکتریک وئریلهبیلمیر.
کانادا قاسیرغا مرکزی، قاسیرغانین بیر مدت داها تأثیرلی اولاجاغینی و شیمال-نیوفووندلند ایالتینه دوغرو حرکت ائتمهسینین گؤزلنیلدیگینی آچیقلاییب. بو آنا قدر جان ایتکیسینه سبب اولمایان آرتور قاسیرغاسینین نه میقداردا مادی زیانا یول آچدیغی هله بیلینمیر.