ائبولا جان آلمایا داوام ائدیر
ژانویه آییندان بو یانا سالقیندان اؤلنلرین ساییسی ٦۰۳ نفره یوکسلدی
باتی آفریقا اؤلومجول ائبولا سالقینییلا بوغوشور.
ایندییه قدرکی ان دهشتلی ائبولا سالقینی گینه، لیبریا و سیرالئونو ائتکیسی آلتینا آلدی. سون ٦۸ اولقویلا ژانویه آییندان بو یانا سالقیندان اؤلنلرین ساییسی ٦۰۳ نفره یوکسلدی.
دونیانین ان اؤلومجول ویروسلاری آراسیندان ساییلان ائبولا ویروسونا توتولانلارین یوزده ۹۰ی حیاتینی ایتیریر. خستهلیک، یوکسک قیزدیرما، بولانتی، قاناما و ایسهال بولقولارییلا اورتایا چیخیر.
بو آنا قدر ائبولا سالقینینین کنترل آلتینا آلینا بیلمهدیگینی بیلدیرن یئتکیلیلر، اؤلومجول ویروسا قارشی آشی و یا معالیجهنین مومکون اولمادیغینا دقت چئکدی.
اؤته یاندان لیبریادا ائبولا سالقینی تراژیکمیک وضعیتلره ده یول آچیر.
ائبولا قورخوسویلا مونروویا شهرینده اولان بیر چوخ کلینیکین، خستهلرین و خستهخانا ایشچیلرینین قاچمالاری سببیله باغلانیلدیغی بیلدیریلیر.