پلانک و اسکوات قان باسینجینی دوشورور
پلانک و دووار اسکواتی کیمی حرکتلرین، قان باسینجینی دوشورمک اوچون ائدیلهبیلهجک ان یاخشی مشق اولدوغو اورتایا چیخدی
بدنی گوجلهندیرمک اوچون ائدیلهن پلانک و دووار اسکواتی کیمی حرکتلرین، قان باسینجینی دوشورمک اوچون ائدیلهبیلهجک ان یاخشی مشق اولدوغو اورتایا چیخدی.
اینگیلیس ایدمان طبی درگیسینده یاییلانان بیر آراشدیرمایا گؤره، ایندییه قدر ائدیلهن یؤنلندیرمهلر عمومیتله یئریمه، قاچما و بیسیکلت کیمی فعالیتلر اوزرینده دوروردو.
آنجاق، دوواردا ائدیلهن اسکوات و پلانک کیمی حرکتلرین بو فعالیتلردن داها چوخ تأثیرلی اولدوغو معین اولوندو.
آراشدیرمانین یازیچیلاریندان دکتر جیم اودریسکول، پلانک و دووار اسکواتی کیمی تمرینلرده عضلهلرین ایکی دقیقه بویونجا سیخیلدیغینی، داها سونرا سربست بوراخیلینجا دا قانین سرعتلی بیر شکیلده حرکته گئچدیگینی، قان آخیشینین آرتدیغینی آچیقلادی.
۱۶ مین نفرین قاتیلدیغی آراشدیرمایا گؤره، بو مشقلرین قان باسینجینی دوشورمکده اؤنملی بیر رول اوینادیغی ایفاده ائدیلدی.