آغیر فیزیکی فعالیت سرطان ریسکینی آزالدابیلر
گونده ۴،۵ دقیقه‌لیک آغیر فیزیکی فعالیتین، فیزیکی فعالیتله ایلینتیلی سرطان نؤوعلرینه توتولما ریسکینی یوزده ۳۲یه واران نیسبتده آزالدابیله‌جگی معین اولوندو
"گونده ۴،۵ دقیقه آغیر فیزیکی فعالیت سرطان ریسکینی آزالدابیلر".
یورونیوزون خبرینه گؤره، استرالیاداکی سیدنی اونیوئرسیته‌سینده وئریله‌ن آراشدیرمادا، ایدمان ائتمه‌یه‌ن ۲۲ مین‌دن چوخ اینسان ۷ ایل بویونجا گؤزلندی و گونده ۴،۵ دقیقه‌لیک آغیر فیزیکی فعالیتین، فیزیکی فعالیتله ایلینتیلی سرطان نؤوعلرینه توتولما ریسکینی یوزده ۳۲یه واران نیسبتده آزالدابیله‌جگی معین اولوندو.
آراشدیرماچیلار، دونیا ساغلیق هؤرگوتونون فیزیکی فعالیتله باغلانتیلی اولدوغونو بیلدیردیگی ۱۳ سرطان نؤوعونه قارشی آراشدیرمالارین یانین‌دا ایشتیراکچیلارین عمومی سرطان ریسکی نیسبتلرینی ده گؤزلمله‌دی.
آراشدیرمادا سرطان گئچمیشی اولان شخصلر ایشتیراک ائتمه‌دی. چالیشمایا قاتیلان شخصلرین فعالیتلری، حرکتی اؤلچه‌ن و بیله‌گه تاخیلابیلیر جیهازلار سایه‌سینده ایزله‌نیلدی.
بوش زامانلارین‌دا مشق ائتمه‌یه‌ن و هفته‌ده اورتالاما ۱ دفعه یئریینلرین گؤزلمله‌ندیگی آراشدیرمانین یاش اورتالاماسی ۶۲ اولاراق قید ائدیلدی.
سیدنی اونیوئرسیته‌سی پروفسورو و آراشدیرماچی امانوئل ایستاماتاکیس، داها اؤنجه‌کی آراشدیرمالارین ایدمان ائتمه‌یه‌ن شخصلرین سرطان ریسکینین داها یوکسک اولابیله‌جگینی اورتایا قویدوغونو ایفاده ائد‌رک، بو آراشدیرمادا "حرفه‌ای اولمایان آغیر تمرین" فورملارینا اوداقلانیلدیغینی بیلدیردی.
آغیر ائو ایشی، سرعت‌لی یئریمه و نردیوان چیخما کیمی قیسا سوره‌لی فعالیتلرین آراشدیریلدیغی آراشدیرمادا، آراشدیرماچیلار، فیزیکی فعالیتین آرتماسییلا فایدانین دا آرتدیغینی قید ائتدی. سؤزو گئدن فعالیتلرین چوخونون تخمیناً بیر دقیقه داوام ائتدیگی ایفاده ائدیلدی.
آراشدیریلان شخصلر آراسیندا، ۲ مین ۳۵۶ سرطان اولقوسو یوخلانیلدی.
آراشدیرمانین نتیجه‌لری "JAMA Oncology" درگیسینده یاییملاندی.
