ایران و افغانیستان آراسیندا سو سورونو داوام ائدیر
"افغانیستانی ایداره ائدنلر هریرود سو تخلیه آنلاشماسینی قبول ائتمکدن دانیشسالار دا عملده ۸۵۰ میلیون لیتر سو یئرینه یالنیز ۱۵ میلیون لیتر سو بوراخیلدی"
ایران چئوره قورومو باشقانی علی سلاجقه، افغانیستان‌داکی طالبان رهبرلیگینین ایرانا ایلده ۸۵۰ میلیون لیتر سو بوراخماسی لازیم ایکن ایندییه قدر بونون چوخ آزینا ایجازه وئردیگینی سؤیله‌دی.
ایران‌لی اؤیرنجیلر خبر آژانسی ایسنایا گؤره، کابینه ییغینجاغینین آردین‌دان مطبوعاتا آچیقلاما وئرن سلاجقه، اؤلکه‌سینین سو حاقینی وئرمه‌دیگی سببی ایله اففانیستان‌داکی طالبان رهبرلیگینی تنقید ائتدی.
ایران‌لی مسئول،
"افغانیستانی ایداره ائدنلر هریرود سو تخلیه آنلاشماسینی قبول ائتمکدن دانیشسالار دا عملده ۸۵۰ میلیون لیتر سو یئرینه یالنیز ۱۵ میلیون لیتر سو بوراخیلدی" دئدی.
قونویلا باغلی ییغینجاق چاغیریلارینین قارشیلیقسیز قالدیغینی دیله گتیره‌ن سلاجقه، افغانیستان‌داکی سدلرین دولولوق نیسبتلرینین یاخشی سویه‌ده اولدوغونو ادعا ائتدی.
سلاجقه، طالبان رهبرلیگیندن ایرانین سو حاقینی کمال خان سدی و هریرود چاییندان بوراخمالارینی گؤزله‌دیکلرینی ایفاده ائتدی.
