جولای آیی ان ایستی آی اولدو
گئچه‌ن آی ایستیلیک، داها اؤنجه "ان ایستی آی" قبول ائدیله‌ن ۲۰۱۹ ایلینین جولای آیینی ۱،۵ سانتیگراد درجه آشدی
۲۰۲۳ ایلینین جولای آیی، دونیا مقیاسیندا "ان ایستی آی" اولاراق ثبت ائدیلدی.
آوروپا بیرلیگینه باغلی کوپرنیکوس ایقلیم دییشیکلیگی سرویسینین آیلیق راپورونا گؤره، جولای ۲۰۲۳، کؤره‌سل اولاراق ایندییه قدر ان یوکسک ایستیلیگین ثبت ائدیلدیگی آی اولدو.
گئچه‌ن آی ایستیلیک، داها اؤنجه "ان ایستی آی" قبول ائدیله‌ن ۲۰۱۹ ایلینین جولای آیینی ۱،۵ سانتیگراد درجه آشدی.
قوزئی یاریم‌کوره‌نین بیر چوخ بؤلگه‌سین‌ده ایستی هاوا دالغالاری تأثیرلی اولدو، آنتارکتیکانین بؤیوک بؤلومونده اورتالامانین چوخ اوزرین‌ده ایستیلیکلر اؤلچولدو.
گئده‌رک آرتان کوره‌سل اورتالاما دنیز سطحی ایستیلیکلری ده گئچه‌ن آی رکورد سویه‌لره چاتدی.
قوزئی دنیزین‌ده ایستیلیک اورتالامانین ۱،۰۵ سانتیگراد درجه اوزریندیکه‌ن، گرونلندین گونئیینده، لابرادور دنیزین‌ده، کارئیب حؤوزه‌سین‌ده و آغ دنیز بویونجا دنیز ایستیلیک دالغالاری گلیشدی.
آنتارکتیکا دنیز بوزو دا جولای آیلاری ایچینده‌کی ان آشاغی سویه‌سین‌ده اؤلچولدو و اورتالامانین یوزده ۱۵ آلتیندا آیلیق دگرله رکورد قیردی.
کوپرنیکوس ایقلیم دییشیکلیگی سرویسی مودور کؤمکچی‌سی سامانتا بورگس، بو وضعیتین آنا سببی اولان گولخانا گازی امیسیونلارینین عاجیل اولاراق آزالدیلماسی لازیم اولدوغونو وورغولادی.
