جولای آییندا ایستیلیک رکوردو قیریلدی
"جولای ۲۰۲۳دهکی ایستیلیکلر، جولای آیینی رکورد سویهدهکی ان ایستی آی ائتدی"
بیلیم اینسانلاری، جولای آییندا کورهسل ایستیلیک رکوردو گئرچکلشدیگینی بیلدیردی.
آمریکا بیرلشمیش دؤولتلری هاواچیلیق و اوزای آژانسینین (ناسا) نیویورکدا اولان گودارد اوزای آراشدیرمالاری انستیتوسوندان وئریلهن آچیقلامادا، جولای ۲۰۲۳ون، ناسادا ثبت اولان رقملردهکی بوتون جولای آیلاریندان ۰،۲۴ درجه و ۱۹۵۱-۱۹۸۰دهکی جولای آیی ایستیلیک اورتالاماسیندان ۱،۱۸ درجه داها یوکسک اولدوغو ایفاده ائدیلدی.
آچیقلامادا،
"ناسا بیلگیلری، دونیا سویهسینده میلیاردلارجا اینسانین تام معناسییلا حس ائتدیگی شئیی تصدیقلهییر، جولای ۲۰۲۳دهکی ایستیلیکلر، جولای آیینی رکورد سویهدهکی ان ایستی آی ائتدی" ایفادهسی ایشلهدیلدی.
آچیقلامادا گؤروشلرینه یئر وئریلهن گوددارد اوزای آراشدیرمالاری انستیتوسو مودورو گاوین شیمیت ده،
"بو جولای، عینی زاماندا ۱۸۸۰ه قدر گئدن ثبت ائدیلمیش رقملریمیزدهکی ان ایستی آی ایدی" معلوماتینی وئردی.