مراکش‌ده‌کی زلزلهده اؤلنلرین ساییسی آرتدی
مرکزی مراکشین الحوز بؤلگه‌سی اولان ۷ بؤیوکلوگونده‌کی زلزلهده حیاتینی ایتیره‌نلرین ساییسینین ۲ مین ۱۲۲ نفره چاتدی
مراکش‌ده‌کی زلزلهده حیاتینی ایتیره‌نلرین ساییسی ۲ مین ۱۲۲ نفره چیخدی.
ایچ ایشلری باخانلیغی، ۸ سپتامبردا یئرلی ساعاتلا ۲۳.۱۰دا میدانا گلن زلزله ایله باغلی گونجل بیلگیلری پایلاشدی.
باخانلیق آچیقلاماسیندا، مرکزی مراکشین الحوز بؤلگه‌سی اولان ۷ بؤیوکلوگونده‌کی زلزلهده حیاتینی ایتیره‌نلرین ساییسینین ۲ مین ۱۲۲ نفره، یارالانانلارین ایسه ۲ مین ۴۲۱ نفره یوکسلدیگی ایفاده ائدیلدی.
آختارما قورتارما ایشلری اوچون بؤلگه‌یه عسگری آراجلار ایله ایش ماشینی گؤندریمی ده داوام ائدیر.
اؤته یان‌دان، ایتالیا باشباخان کؤمکچیسی و خاریجی ایشلر باخانی آنتونیو تاجانینین، مراکشه عاجیل کؤمک تکلیفی سوندوقلارینی بیلدیردی.
الجزایر ده زلزله‌نین تاثیرلری ایله باشا چیخابیلمک اوچون مراکشه عاجیل یاردیم تکلیفی ائتدی.
مراکش ایسه اسپانیا، اینگیلتره، قطر و بیرلشمیش عرب امرلیکلریندن گلن کؤمک تکلیفینی قبول ائتدیگینی بیلدیردی.
ایچ ایشلری باخانلیغیندان وئریله‌ن یازیلی آچیقلامادا، سؤزو گئدن اؤلکه‌لرین "آختارما قورتارما قروپو گؤندریلمه‌سی" یولوندا‌کی کؤمک تکلیفلرینین قبول ائدیلدیگی ایفاده ائدیلدی.
آختارما قورتارما قروپلارینین مراکش‌لی قروپلارلا بیرگه چالیشماق اوزره بازار گونو اؤلکه‌یه چاتدیقلاری ایفاده ائدیلدی.
آچیقلامادا، آیریجا موختلیف اؤلکه‌لرین دایانیشما تکلیفلری و گیریشیملردن سئوینج دویولدوغو بیلدیریلدی.
