ژاپندا زلزله‌دن اؤلنلرین ساییسی گۆنجللندی
ایشیکاوا ایالتی و نوتو یاریم‌آداسی ساحلینده ژانویه آیینین ایلک هفته‌سینده میدانا گلن چوخ ساییدا زلز‌له‌ده اؤلنلرین ساییسینین ۲۳۸ نفره یۆکسلدیگی بیلدیریلدی
2096118
ژاپونون باتیسیندا‌کی ایشیکاوا ایالتی و نوتو یاریم‌آداسی ساحلینده میدانا گلن زلز‌له‌لرده حیاتینی ایتیره‌نلرین ساییسی ۲۳۸ نفره یۆکسلدی.
ایشیکاوا ایالت والیلیگیندن وئریلن آچیقلامادا، ژانویه آیینین ایلک هفته‌سینده میدانا گلن چوخ ساییدا زلز‌له‌ده اؤلنلرین ساییسینین ۲۳۸ نفره یۆکسلدیگی بیلدیریلدی.
آچیقلامادا، تخمیناً ۱۵ مین نفرین هله ده تخلیه نقطه‌لرینده قالدیغی، خبر آلینابیلمه‌یه‌ن ۱۹ نفری ایسه آختارما ایشلرینین سۆردوگو بیلگیسی پایلاشیلدی.
ژاپن ماتِورولوژی (هاوا تخمینی) آژانسی، ۱-۵ ژانویه دؤنمینده ایشیکاوانین نوتو یاریم آداسی و سولاریندا، بؤیوکلوکلری ۵ ایله ۷ آراسیندا دییشه‌ن چوخ ساییدا زلزله میدانا گلدیگینی بیلدیرمیشدی.
