مکزیک‌ده پوپوکاتپتل یانارداغی آکتیولشدی
پوپوکاتپتل وولکانینین 77 دفه کول پوسکورمسیندن سونرا لازیمی تدبیرلرین گؤرولمه‌سی اوچون "ایکینجی سویه" هیجان سیگنالی وئریلدی
2108551
مکزیک‌ده پوپوکاتپتل یانارداغینین آکتیولشمسیندن سونرا بعضی هاوایولو شیرکتلری اوچوشلاری تاخیره سالمالی اولوب.
CNN-این معلوماتینا گؤره، مکزیک‌ین میللی فلاکتلرین قارشیسینین آلینماسی مرکزی، پوپوکاتپتل وولکانینین 77 دفه کول پوسکورمسیندن سونرا لازیمی تدبیرلرین گؤرولمه‌سی اوچون "ایکینجی سویه" هیجان سیگنالی وئریلدیگینی بیلدیریب.
دومان و کول سببی ایله بعضی هاوایولو شیرکتلری پایتاخت مکزیکوداکی بئنیتو خوارئز اولوسلاراراسی هاوا لیمانیندا اوچوشلاری تاخیره سالیب.
میللی مولکی مودافیعه کووردیناسیون ایداره‌سیندن وئریلن آچیقلامادا وولکاندان یاغان توستو و کولون هله‌لیک بؤلگه‌یه یاخین شهرلرین ساکینلری اوچون هئچ بیر ریسک اولمادیغی، لاکین وضعیتین یاخیندان ایزلنه‌جیی قئید ائدیلیب.
