پاکیستاندا شدتلی یاغیش جان آلدی
سون ۳ گوندور تأثیرلی اولان یاغیشلارین یول آچدیغی فاجعه و قضالاردا ۳۲ نفر حیاتینی ایتیردی
پاکیستاندا، شدتلی یاغیشلارین تاثیری ایله حیاتینی ایتیرهنلرین ساییسی ۳۲ نفره، یارالانانلارین ساییسی ایسه ۳۸ نفره چیخدی.
آفت یؤنهتیم قوروموندان وئریلهن آچیقلامایا گؤره، اؤلکهده سون ۳ گوندور تأثیرلی اولان یاغیشلارین یول آچدیغی فاجعه و قضالاردا ۳۲ نفر حیاتینی ایتیردی.
اؤلکهنین خیبر پختونخوا ایالتی ایله بلوچیستان ایالتلرینده شدتلی یاغیشا ایله گلن قارین تورپاق سۆروشمهلرینیه سبب اولماسی نتیجهسینده ائولرین دام و دووارلاری چؤکرکن، بعضی یوللار ترافیکه باغلاندی، الکتریک و تلفن دیرکلری ییخیلدی.
یاغیشلارین سبب اولدوغو فاجعه و قضالاردا خیبر پختونخوا ایالتینده ۲۷ نفر اؤلرکن، ۳۸ نفر یارالاندی، بلوچیستان ایالتینده ایسه ۵ نفر حیاتینی ایتیردی.
بلوچیستان ایالتی باشباخانی سرفراز بوگتی، تشکیل ائتدیگی مطبوعات توپلانتیسیندا، یاغیشلارین گوادر شهرینده تخمیناً ۷۰۰ ائوه ده ضرر وئردیگینی آچیقلادی.