نیجریهده مننژیت اپیدمیسی باشلاییب
ژانویه آییندان بری 2172 مننژیت حادثهسینین اشکارلانیب و اونلاردان 202 نفر دونیاسینی دییشیب
2121782
باتی آفریقا اؤلکهلریندن بیری اولان نیجریهده ژانویه آییندان بری مننژیت اپیدمیسیندن 202 نفر اؤلوب.
نیجریه خستلیکلره نظارت مرکزینین دیرکتورو ژید ایدریس، ژانویه آییندان بری مننژیت اپیدمیسیندن 22 ایالتین 96 بؤلگهسینده، ائلهجهده پایتخت ابوجادا یاییلماغا داوام ائتدیگینی بیلدیردی.
ایدریس بو مدت عرضینده 2172 مننژیت حادثهسینین اشکارلاندیغینی و اونلاردان 202-نین دونیاسینی دییشدیگینی آچیقلاییب.
نیجریه خستلیکلره نظارت مرکزینین مننژیت تعجیلی عملیات مرکزلری قوردوغونو افاده ائدن ایدریس، اپیدمیدن تأثیرلنن ایالتلره میللی سرعتلی مداخله گروهلارینین گؤندریلدیگینی سؤیلدی.
نیجریه حکومتی 2030-جو ایله قدر خستهلیگی مغلوب ائتمک اوچون یئنی تدبیرلر گؤردویونو آچیقلادی.
هاوا یولو ایله کئچهبیلن مننژیت بئییندن باشلایاراق بوتون بدنه تأثیر ائده بیلر.