تاریخده بو گون: 29 اوکتبر
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
او گون تورکیه-نین میللی بایرامیدیر.
29 اوکتبر1923-جو ایلده تورکیه بؤیوک میللت مجلیسی تاریخی بیر ایجلاسلا قورتولوش ساواشیندان سونرا یئنیدن قورولان دؤولتین حکومت سیستمینی جمهوریت اولاراق دونیایا اعلان ائتدی. بو گوندن دؤولت عثمانلی ایمپئریاسی دئییل، تورکیه جمهوریتی آدلانماغا باشلادی.
جمهوریتین اعلانی ایله میللی قهرمان، بؤیوک سرکرده و تورکیه بؤیوک میللت مجلیسی-نین صدری مصطفی کمال آتاتورک تورکیه جمهوریتینین ایلک باشچیسی سئچیلدی.
***
لوزان باریش موقاویلهسینه اساساً میللتلر جمعیتی شوراسینا تحویل وئریلن موصول حاقیندا 1924-جو ایلین 29 اوکتبریندا قرار قبول ائدیلدی: موصولون عراق اراضیسینده قالماسی معین اولوندو.
29 اوکتبر 1929-جو ایلده دونیا ایلک دفعه قلوبال دیامئترده ایقتیصادی بحرانلا تانیش اولدو: نیویورک بورساسینداکی بوتون سهملر دیرینی ایتیردی و بورسا چؤکدو.
امریکا-دا باشلایان "بؤیوک ایقتیصادی بحران" آوروپا اؤلکهلرینی ده ساردی.
***
1933 -جو ایل 29 اوکتبردا – تورکیه جمهوریت قورولوشونون 10 یاشیندا اؤلکه باشچیسی مصطفی کمال آتاتورک پایتاخت آنکارادان تاریخی نطفینی بوتون دونیا ایله پایلاشدی.
تورکیه سلاحلی قوهلری پ.کا.کا ترورچولارینین کئچید خطی اوستونده اولان تورکیه- عراق سرحدیندکی سینهات بوغازینین ایدارهسینی 1992-جی ایل اوکتبرین 29-دا اله کئچیردی. عملیاتدا 90 پ.کا.کا-لی ضررسیزلشدیریلدی.
***
شوروی-دن آیریلیب موستقیللیکلرینی اعلان ائتمیش قازاخیستان و تورکمنیستان ایلک سفیرلیکلرینی 1992-جی ایلین 29 اوکتبریندا تورکیه-ده آنکارادا آچدیلار.
***
1993 -جو ایل اوکتبرین 29-دا زنگیلان روسیانین کمکیله ارمنیستان سلاحلی قوهلری طرفیندن ایشغال ائدیلدی.
1988 -جی ایلدن 1993-جو ایلین نوامبریناده ک دوشمنه باش ایمهین، یاغی هوجوملارینا سینه گرن، یوزلرله شهید وئرن زنگیلان ایشغالا معروض قالان ان سونونجو بولگه اولدو.
***
29 اوکتبر 1998-جی ایلده تورکیه، آذربایجان، گورجوستان، قازاخیستان و اؤزبکیستان خزر و اورتا آسیا نفتلرینین باتی بازارلارینا باکی-تیفلیس-جیهان نفت بورو خطی ایله چاتدیریلماسینا دایر آنکارا بیاننامهسینی ایمضالادیلار.
***
2013 -جو ایلین 29 اوکتبریندا ایستانبولدا مارمارای دمیریولو خطی آچیلدی و ایلک سفر اوسکوداردان یئنیکاپییا ائدیلدی.
مارمارای چینله اینگیلتره آراسیندا کسیلمز دمیریولو خطینی تاماملامیش اولدو.
29 اوکتبر 2018-جی ایلده یئنی ایستانبول هاوا لیمانینین آچیلیشی اولدو. یئنی هاوالیمانی 6 موستقیل طیاره میدانیندان عبارتدیر. 500 طیاره و ایلده 200 میلیون یولجو حجمینه مالیک بوتون ساحهلری تاماملاندیقدان سونرا بو هاوا لیمانی دونیانین ان بؤیوک هاوا لیمانی ساییلاجاق.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی