تاریخده بو گون: 20 ژانویه
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
تورکیه جمهوریتینین ایلک آنایاسی اولان "تشکیلاتی-اساسی" 1921-جی ایلین 20 ژانویه ده تورکیه بؤیوک میللت مجلیسینده قبول ائدیلدی. 24 مادهلیک آنایاسادا قوهلر بیرلیگی قانونونون دا تملی آتیلدی.
ایران و امریکا آراسینداکی گیروو بحرانی 1981-جی ایل 20 ژانویه ده سونا چاتدی: تهران حکومتی 444 گوندور گیروو توتولان 52 امریکالینین سربست بوراخیلدیغینی آچیقلادی.
1990 -جی ایل ژانویه نین 20-نه کئچن گئجه باکی-یا یئریدیلن سووئت اردوسو حیسهلری دینج ساکینلره قانلی دیوان توتدو.
رسمی معلوماتا گؤره، سلاحلی موداخیله نتیجهسینده 140 نفره قدر اینسان هلاک اولدو، 700-دن چوخ آدام یارالاندی، 290 نفرسه اؤمورلوک علیل قالدی.
آز سونرا آذربایجان پرزیدنتینین فرمانی ایله 138 نفره “20 یانوار شهیدی” آدی وئریلدی.
1991 -جی ایلین 20 ژانویه سینده سووئت اردوسو آرتیق اؤز موستقیللیگینی اعلان ائتمیش لاتویانین پایتاختی ریگایا گیردی.
تورکیه-سوریه سرحدینده آرتان ناراحاتلیق و ترور تهدیدیله علاقهدار 20 ژانویه 2018-جی ایلده تورکیه سلاحلی قوهلری سوریه-نین عفرین بؤلگهسینه زیتون بوداغی حرکاتینا باشلادی.
20 ژانویه ده هم ده بو تاریخی شخصیتلر خاطیرلانیر.
تورکیه-نین بؤیوک شاعری و درامارورقو ناظیم حیکمت 1902-جی ایلین بو گونو آنادان اولوب.
اینقیلابی تورک پوئزیاسینین بانیسی کیمی تانینان ناظیم حیکمتین یارادیجیلیغی بوتؤولوکده 20-جی عصر دونیا ادبیاتینین اینکیشافینا تأثیر گؤستریب.
شاعرین آذربایجان و باکی ایله باغلی خاطرهلری ده شعر و پوئمالاریندا عکسینی تاپیب. (1902-1963)