تورکیه-نین کؤنول کؤرپولری- 03/2019
تیکا-نین فعالیت‌لری
" تورکیه-نین کؤنول کؤرپولری" پروقرامیندا ایکی هفته‌دیر سیزه تورک امکداشلیق و کووردیناسیون آژانسی‌نین (تیکا) فعالیت‌لری ایله باغلی بعضی معلومات‌لاری وئرمه‌یه چالیشیریق. کئچن هفته باشلادیغیمیز موضوع بو گون ده داوام ائتدیریریک.
بو گونه قدر پئشه کورس‌لاری دا داخیل اولماقلا، تحصیل ساحه‌سینده تخمینن 4.250 لاییحه‌نی حیاتا کئچیرن تیکا کلمبیا، فیلیسطین، نیجریه، مقدونیه، آلبانیا، افغانیستان و داها بیر سیرا اؤلکه‌ده یئنی تحصیل موسسه‌لری یاراتمیش، سون 5 ایلده 1000-دن چوخ مکتب اینشا و برپا ائتمیش‌دیر.
تیکا یوخسوللوغون آزالدیلماسی‌نین، ایالت‌لرین اینکیشافی و قادین‌لارین ایشله تامین اولونماسینا دستک اولماغین، قیدا تهلوکه‌سیزلیگی‌نین تامینینه دستکین، اها‌لی‌نین یوخسول طبقه‌سی‌نین گلیرینی آرتیران فعالیت‌لره تحفه وئریلمه‌سی‌نین گوندمده توتولماسی دوشونجه‌سیندن حرکت ائده‌رک تاریم و حیواندارلیق ساحه‌لرینده فونکسیونال لاییحه‌لر حیاتا کئچیریر.
افریقا قاره سینده کی قوراق‌لیق‌لارا قارشی تدبیرلر گؤرمک و افریقا اؤلکه‌لری‌نین مالیک اولدوغو زنگینلیک‌لردن خالقین بهره لنمه‌سی اوچون سوما‌لی‌نین پایتاختی موگادیشودا یارادیلان تاریم مکتبی بو گون بؤلگه‌یه معاصر تاریم مئتودلارینی و تکنولوژی سینی تانیدان بیر فاکولته اولموش‌دور.
بیر سیرا بالکان اؤلکه‌سینده تاریمین اینکیشافینا ایستیقامتلندیریلمیش اوزون پرسپکتیو‌لی لاییحه‌لر حیاتا کئچیرن تیکا یوخسول عائله‌لرین و کیچیک اوره تیجی لرین گلیرلرینی اهمیت‌لی درجه‌ده آرتیریلماسینی تامین ائدیر.
تیکا-نین دیگر اونجه لیکلی فعالیت ساحه‌سینی ایسه فرق‌لی ساحه‌لرده وئریلن پئشه تعلیم لری ایله دستک‌لنن معاصر اوره تیم موسسه‌لری تشکیل ائدیر.
غزه-ده تیکا طرفیندن قورولان آباسان زیتون یاغی اوره تیم موسسه‌سی بؤلگه‌نین استخدامینا و ایقتیصادیاتینا تحفه وئرمه‌سی باخیمیندان نومونوی بیر لاییحه‌دیر. موسسه‌ده 2017-جی ایلدن اعتباراً 3100 غزه-لی اکینچی ایشله تامین اولونوب. 2016-جی ایلده بورادا تخمینن 5000 تون زیتون یاغی اوره تیلیب و آباسان بلدیه‌سی هر توندا تخمینن 100 امریکا دو‌لاری گلیر الده ائدیب.
یئنی یاناشما: اینکیشافا یاردیمین تورک مدلی
تیکا یاراتدیغی اینکیشافا یاردیمین تورک مدلی ایله اونا بنزر یاردیم تشکیلات‌لاری آراسیندا یئنی بیر یاناشما اورتایا قویموش‌دور. یاناشمانین پرینسیپ‌لری بون‌لاردیر:
تمننا‌سیز
صمیمی
شفاف
اینسانا مرکزلی
قارشی‌لیق‌لی مسئولیت
بیلیک‌لرین موبادیله‌سی
طلب مرکزلی
چوزوم مرکزلی
