تورکیه-نین کؤنول کؤرپولری - 07/2019
خاریجده یاشایان تورک‌لر و اقربا توپلولوق‌لار ایداره‌سی
اؤلکه‌لرین اساس مقصدلرین‌دن بیری دونیانین هاراسیندا اولورسا- اولسون، وطنداش‌لاری‌نین حقوق و منافع‌لرینی قوروماق‌دیر. اگمن اؤلکه‌لره مخصوص بو فعالیت، خاریجی سیاستین اساس ماده‌لرین‌دن بیری اولماقلا یاناشی، عینی زاماندا، عوض اولونماز بیر اعتبار مسئله‌سی‌دیر.
تورکیه-نین 2000-جی ایللردن سونرا آرتان خاریجی سیاست فعالیتی‌نین متحرک قوه‌لرین‌دن بیری ده 1960-جی ایللردن اعتباراً خاریجده یاشایان و بو گون سای‌لاری 6 میلیونو کئچن وطنداش‌لاری‌نین فایداسینی دوشونمک‌دیر.
2010 -جی ایلده یارادیلان خاریجده یاشایان تورک‌لر و اقربا توپلولوق‌لار ایداره‌سی بو چرچیوه‌ده سیاست‌لر معین ائتمک و بون‌لارین حیاتا کئچیریلمه‌سینی کووردیناسیون ائتمکله وظیفلندیریلمیش‌دیر.
بیر دیاسپورا قورومو اولان خاریجده یاشایان تورک‌لر و اقربا توپلولوق‌لار ایداره‌سی اکثریتی آوروپا قاره سینده کی اولکه لرده یاشایان وطنداش‌لاری‌نین تورکیه منبع‌لی ایش و عملیات‌لارینی ساده‌لش‌دیرمکله یاناشی، مدنی کیم‌لیک‌لری‌نین قورونوب اینکیشاف ائتدیریلمه‌سی، تحصیل و ایستاتوس آرتیریجی خیدمت‌لردن فایدالانما‌لاری، آنا وطن منسوبلوق‌لاری‌نین محافظه ائدیلمه‌سی و آیریمجی تدبیرلره قارشی معارف لندیریلمه‌سی کیمی مسئله‌لرده اونلارا دستک اولان فعالیت‌لر آپاریر.
بو ساحه‌لردکی فعالیتینی، خصوصیله، خاریجده یاشایان گنج‌لرله باغلی فعالیت‌لرینی آرتیران خاریجده یاشایان تورک‌لر و اقربا توپلولوق‌لار ایداره‌سی تورکیه وطنداش‌لاری‌نین یاشادیق‌لاری اؤلکه‌لرده همین اؤلکه‌لرین بوتون وطنداش‌لاری ایله برابر ایمکان‌لارا مالیک اولا‌راق، اولدوق‌لاری جمعیت‌لره فعال، فایدا‌لی و معتبر بیر شکیلده قاتیلما‌لارینی هدفلییر.
