تورکیه-نین کؤنول کؤرپولری – 08/2019
خاریجده یاشایان تورک‌لر و اقربا توپلولوق‌لاری ایداره‌سی
تورکیه-نین دوستلوق کؤرپولری آدلی پروقرامیمیزدا خاریجده یاشایان تورک‌لر و اقربا توپلولوق‌لاری ایداره‌سی‌نین تانیتماغا داوام ائدیریک.
معاصر دونیادا دیاسپورا فعالیت‌لری آرتیق یالنیز وطنداش‌لیق باغ‌لاری ایله محدودلاشمیر. روسیا، اینگیلتره، فرانسا، هیندیستان و چین کیمی اؤلکه‌لرده ان یاخشی نومونه‌لرینی گؤردوگوموز کیمی، دیاسپورا آنلاییشی تاریخی و مدنی باغ‌لارا مالیک اولان جمعیت‌لری ده احتیوا ائدن بیر کونتئکستده گئنیشلندیریلیر.
موهوم بیر مدنیت و سیویلیزاسیانین تمثیلچی‌سی اولان تورکیه-نین اورتاق دیرلره مالیک اولدوغو و "قارداش" حساب ائتدیگی اؤلکه‌لر ده بو چرچیوه‌ده اؤلکه‌میزین "مدنی دیاسپوراسی"نی تشکیل ائدیرلر. خاریجده یاشایان تورک‌لر و اقربا توپلولوق‌لاری ایداره‌سی‌نین یئر اوزونون بؤیوک بیر حیسه‌سینی احاته ائدن قارداش توپلولوق‌لارلا بیرگه ارثیمیزی قورویوجو و آرامیزداکی امکداش‌لیغی تشویق ائدیجی فعالیت‌لری تورکیه-نین تاریخی و مدنی درین‌لیگینه اویغون بیر دیاسپورا آنلاییشینی اورتایا قویور. عینی زاماندا، قارداش توپلولوق‌لارین وطنداش دیاسپوراسی ایله تورک وطنداش دیاسپوراسی چوخ اؤلکه‌ده یاناشی یاشاییر، کوچمن لرین حقوق‌لاری اوغروندا بیرگه موباریزه آپاریرلار. بئله‌لیکله، تورکیه-نین وطنداش دیاسپوراسی ایله مدنی دیاسپوراسی بیر-بیرینی تاماملایان بیر خصوصیت قازانیر.
قارداش توپلولوق‌لارا‌لی آرامیزداکی موناسیبت‌لره علمی و اینسانی اساسدا اوزون نفس‌لی بیر وجهه قازاندیران ان اهمیت‌لی ایشلریمیزدن بیری "تورکیه بورس لاری" آدی آلتیندا فعالیت گؤسترن اولوسلار آراسی طلبه فعال‌لیغی‌دیر. اکثریتی قارداش توپلولوق‌لاردان گلن اولوسلار آراسی طلبه‌لر تورک اونیورسیته لرینده اؤلکه‌لری‌نین احتیاجی اولان ساحه‌لرده تحصیل آلا‌راق، موافیق اؤلکه‌لرله آرامیزداکی قارشی‌لیق‌لی فایدا و تجروبه موبادیله‌سی اساسینداکی علاقه‌لره تحفه وئریرلر. بو طلبه‌لر خاریجده یاشایان تورک‌لر و اقربا توپلولوق‌لاری ایداره‌سی اولا‌راق تشکیلات‌لارینا دونیا میقیاسیندا دستک وئردیگیمیز تورکیه ماذون درنک‌لری واسیطه‌سیله بوراخیلیش لاریندان سونرا دا اؤلکه‌میزله علاقه‌لرینی داوام ائتدیریرلر. بئله‌لیکله، دونیا میقیاسیندا تحصیل‌لی اولما سویه‌سینی یوکسلدن تورکیه، عینی زاماندا، اؤز باریش و امکداشلیق آنلاییشی ایله قلوبال پلاندا بیر "سیمپاتیا دیاسپوراسی"نا دا مالیک اولور.
خاریجده یاشایان تورک‌لر و اقربا توپلولوق‌لاری ایداره‌سی‌نین قلوبال سویه‌لی بو فعالیت‌لری اؤلکه منفعت‌لری ایله اولوسلار آراسی توپلومون منافع‌لری‌نین بیر-بیرینه تضاد تشکیل ائتمه‌دیگینی، عکسینه، بیر-بیرینی تاماملایان کاراکتئرده اولا بیله جگینی گؤسترن گؤزل نومونه‌لرین‌دن‌دیر.
