تورکیه-نین کؤنول کؤرپولری – 09/2019
تورکیه بورس لاری لاییحه‌سی
تورکیه-نین دوستلوق کؤرپولری آدلی پروقرامیمیزدا خاریجده یاشایان تورک‌لر و اقربا توپلولوق‌لاری ایداره‌سی‌نین تانیتماغا داوام ائدیریک.
بو هفته‌دن باشلایا‌راق خاریجده یاشایان تورک‌لر و اقربا توپلولوق‌لاری ایداره‌سی طرفیندن حیاتا کئچیریلن بیر چوخ لاییحه آراسیندا، شوبهه‌سیز کی، خصوصی یئر توتان و 2012-جی ایلدن اعتباراً حیاتا کئچیریلن "تورکیه بورس لاری" پروقرامی ایله باغلی بعضی معلومات‌لاری قیسا شکیلده سیزینله بؤلوشجییک.
"تورکیه بورس لاری " پروقرامی طلبه‌لره یالنیز بورس وئرمکله کیفایت‌لنمیر، عینی زاماندا، اونلاری اونیورسیته لره یئرلشدیریر. محض بو خصوصیتی ایله ده دونیا‌داکی دیگر بورس پروقراملاریندان فرق‌لنیر.
2018 -جی ایلینی ایستاتیستیک معلومات‌لارینا نظر سالدیغیمیز زامان 164 اؤلکه‌دن 138 مین طلبه‌نین تورکیه‌ده عالی تحصیل آلماق اوچون مراجعت ائتدیگینی گؤروروک. بو طلبه‌لر اونیورسیته تحصیل‌لرینی باشا چاتدیرا‌راق، اؤلکه‌لرینه قایی‌داندا تورکیه و تورکیه-ده عالی تحصیله دایر مثبت فیکیرلرینی اؤز اؤلکه‌لری‌نین وطنداش‌لاری ایله بؤلوشورلر. بو سبب‌دن بو پروقراما مراجعت ائدن‌لرین سایی هر ایل داها دا آرتیر.
2000 -جی ایللرین اول‌لرین‌دن اعتباراً، تورکیه-نین خاریجی سیاست‌دن توتموش مدنیته، ایقتیصادی چیچکلنمه‌دن توتموش سوسیال سیاست‌لره قدر، هر ساحه‌ده نوماییش ائتدیردیگی بؤیوک ایرلیلییش اولوسلار آراسی تحصیل ساحه‌سینده ده عکس اولونوب و بو ساحه‌ده مهم آددیم‌لار آتیلماغا باشلانیب.
"تورکیه بورس لاری " پروقرامیندا آیلیق بورس دان باشقا اوچاق بیلطی، اونیورسیته شهریه سی، طبی سیغورتا، یاتاق‌خانا و تورک دیلی کورس‌لاری دا بورس چرچیوه‌سینده تامین ائدیلیر. بون‌لارا علاوه اولا‌راق، طلبه‌لره تورکیه-ده اولدوق‌لاری مودتده آکادمیک، سوسیال، مدنی و ایدمان فعالیت و پروقرام‌لاری تقدیم اولونور.
