تورکیه-نین کؤنول کؤرپولری 10 / 2019
تورکیه بورس لاری
تورکیهنین دوستلوق کؤرپولری پروقرامیندا خاریجده یاشایان تورکلر و اقربا توپلولوقلاری ایدارهسینی تانیتماغا داوام ائدیریک. بو بؤلومده ایدارهنین اهمیتلی فعالیتلریندن بیری اولان "تورکیه بورس لاری" پروقرامیندان بحث ائدجییک.
"تورکیه بورس لاری" پروقرامی دونیانین موختلیف بؤلگهلریندن اولان ایستعدادلی طلبهلره تورکیه-نین ان یاخشی اونیورسیتهلرینده تام، و یا قیسا مودتلی پروقراملاردان ایستیفاده ائتمهلری اوچون وئریلن و دؤولت طرفیندن دستکلنن، رقابته داواملی بیر بورس پروقرامیدیر.
"تورکیه بورس لاری"نین مقصدی اؤزونو هم اؤلکه لرآراسی امکداشلیغی، هم ده جمعیتلر آراسیندا اورتاق آنلاییشی گوجلندیرمهیه حصر ائدن گلهجگین لیدرلرینی یئتیشدیرمک و بو لیدرلری بیرلشدیرن بیر هم رایلیک شبکهسی یاراتماقدیر.
"تورکیه بورس "لاری عالی تحصیلین هر مرحلهسینده باجاریقلی و ایستعدادلی خاریجی طلبهلره تکجه تحصیل بورسو وئرمکله کیفایتلنمیر، عینی زاماندا، همین طلبهلرین اونیورسیته لره حاضیرلانما و یئرلشدیریلمهسی پروسه لرینی ده احاته ائدیر.
"تورکیه بورس"لاری اوچون مراجعت تاریخلری بارهسینده معلومات "تورکیه بورس"لارینین رسمی اینترنت سایتیندا تورک، عرب، اینگیلیس، فرانسیز، روس، بوسنیا، فارس و ایسپان دیللرینده وئریلیر.
حاضیردا 16 میندن چوخ طلبهیه بورس ایمکانی تامین ائدیلیر. هر ایل تخمینا 5 مین یئنی بورس وئریلیر. بو ایل ائدیلن مراجعتلره نظر سالدیقدا، 167 اؤلکهدن 145 مین 700 باش وورو داخیل اولدوغو موشاهیده ائدیلیر. بو رکورد بیر رقمدیر.
لیسانس، یوکسک لیسانس، و دقتورا سویهلرینده وئریلن بورس لره تورکیه جمهوریتی وطنداشی اولمایان شخصلر ده مراجعت ائده بیلرلر. مراجعتلر اونیورسیتهیه قبول پروسه سینی ده احاته ائدیر.