تورکیه-نین کؤنول کؤرپولری 2019/11
تورکیه بورس لاری
خاطیرلاداق کی، اؤتن هفته خاریجده یاشایان تورکلر و اقربا توپلولوقلاری ایدارهسینین ان اهمیتلی فعالیتلریندن بیری اولان "تورکیه بورس لاری" پروقرامینا دایر بعضی عمومی معلوماتلار وئرمیشدیک. بو بؤلومده سؤزوگئدن مؤضوعنو داوام ائتدیرجییک و "بورس پروقرامینا کیملر مراجعت ائده بیلر؟"، "هانسی سندلر طلب اولونور؟" و "بورس نه لری احاته ائدیر؟" کیمی سواللارا جاواب وئرمهیه چالیشاجاغیق.
"تورکیه بورس لاری" پروقرامی اوچون طلب اولونان سندلر
اینترنت واسطهسیله ائدیلهجک مراجعتلر اوچون بوتون نامیزدلر آشاغیدا سادالانان سندلری تقدیم ائتمهلیدیرلر:
· کیملیک
· پاسپورت
· نامیزدین یاخین زاماندا چکیلمیش فوتوشکلی
· اؤلکهسینده وئردیگی امتحانین نتیجهلری (وارسا)
· دیپلم، و یا موقتی بوراخیلیش سندی
· عالی تحصیل ایللرینده آلدیغی نت لارین ترانسکریپتی
· اولوسلار آراسی امتحان لارین نتیجهلری (سئچیلن پروقرام طرفیندن طلب ائدیلدیگی حالدا، GRE, GMAT کیمی)
· دیل امتحانینین نتیجهلری (سئچیلن پروقرام طرفیندن طلب ائدیلدیگی حالدا)
· آراشدیرما تکلیفی و آپاردیغینیز تدقیقاتلارا دایر یازیلی نومونه (یالنیز دوقتورا مراجعتلری اوچون)
کیملر بورس آلا بیلر؟
· تورکیه بورس لاری پروقرامی بوتون اؤلکهلرین وطنداشلارینا آچیقدیر.
· بورس اوچون لازیم اولان مینیموم آکادمیک باشاری سویهسی:
· لیسانس درجهسی اولان مراجعت ائدنلر اوچون: %70
· ساغلیق ساحهلرینه (طب، دیش حکیملیگی و اجزاچیلیق) مراجعت ائدنلر اوچون: %90
· یوکسک لیسانس و دوقتورا درجهسی اولان مراجعت ائدنلر اوچون: %75
· "تورکیه بورس لارینا" مراجعت ائدنلره آشاغیداکی معیارلار تطبیق اولونور:
· لیسانس پروقراملاری اوچون 21 یاشین آلتیندا اولماق
· یوکسک لیسانس پروقراملاری اوچون 30 یاشین آلتیندا اولماق
· دوقتورا پروقراملاری اوچون 35 یاشین آلتیندا اولماق
· آراشدیرما پروقراملاری اوچون 45 یاشین آلتیندا اولماق
بورس نه لری احاته ائدیر؟
· آیلیق جیب خرجلیگی:
· لیسانس سویهسینده: آیلیق 700 تورک لیره سی
· یوکسک لیسانس سویهسینده: آیلیق 950 تورک لیره سی
· دوقتورا سویهسینده: آیلیق 1400 تورک لیره سی
· آراشدیرما: آیلیق 3000 تورک لیره سی
· تورک دیلی اوچون یای مکتبی پروگرامی: آیلیق 500 تورک لیره سی
· دؤولت ایشچیلری و اونیورسیته معلملری اوچون تورک دیلینده اونسیت پروگرامی: آیلیق 2000 تورک لیره سی
· تحصیل خرجی
· بیر دفعهیه مخصوص گئدیش-گلیش طیاره بیلطی
· یئرلشدیرمه
· بیر ایللیک تورک دیلی کورسو