تورکیه-نین کؤنول کؤرپولری 2019 / 13
تورکیه بورس لار نه لری احاته ائدیر؟
اؤتن هفته خاریجده یاشایان تورک‌لر و اقربا ایجما‌لاری ایداره‌سی‌نین ان اهمیت‌لی فعالیت‌لرین‌دن بیری اولان "تورکیه بورس لاری" پروقرامی چرچیوه‌سینده کی بورس لارین وئریلمه پروسه سینه دایر معلومات‌لار تقدیم ائتمیشدیک. بو بؤلومده ایسه بورس لارین چرچیوه‌سی و نو‌لرینه توخونا‌راق، بونونلا دا پروقرامیمیزدا تورکیه-نین خاریج‌دکی تورک‌لر و اقربا ایجما‌لاری ایداره‌سیله (ی ت ب) باغلی صحبتیمیز باشا چاتا‌جاق.
بورس لار ایله علاقه‌دار دئتال‌لار
بورس لار نه لری احاته ائدیر؟
1 -آیلیق بورس:
لیسانس پیلله‌سی اوچون آیلیق: 700 تورک لیره‌سی
یوکسک لیسانس پیلله‌سی اوچون آیلیق: 950 تورک لیره‌سی
دوکتورا پیلله‌سی اوچون: 1400 تورک لیره‌سی
آراشدیرما بورسو: آیلیق 3000 تورک لیره‌سی
تورک دیلی اوچون یای کورسو پروقرامی اوچون: آیلیق 500 تورک لیره‌سی
دؤولت ایشچی‌لری و آکادئمیک‌لر اوچون تورکجه اونسیت پروقرامی: آیلیق 2000 تورک لیره‌سی
اراشدیرما بورس لاری ساده‌جه آیلیق جیب خرجلیگین‌دن عبارت‌دیر.
تورک دیلی اوچون یای کورسو پروقرامی دا آیلیق جیب خرج‌لیگی، یاتاق‌خانا، طبی سیگورتا، سوسیال و مدنیت فعالیت‌لرینی احاته ائدیر.
دؤولت ایشچی‌لری و آکادئمیک‌لر اوچون تورکجه اونسیت پروقرامی دا آیلیق جیب خرج‌لیگی، یاتاق‌خانا، نقلیات خرج‌لری، سوسیال و مدنیت فعالیت‌لرینی احاته ائدیر.
لیسانس، یوکسک لیسانس و دوکتورا بورس لاری؛ آیلیق جیب خرج‌لیگیله یاناشی
2 -قبول اولوندوغونوز اونیورسیته نین تحصیل حاقیندان آزاد اولونورزونوز و اؤدنیشسیز/ پولسوز تحصیل آلیرسینیز.
3 -بو پروقراملا تحصیل آلماق حاقی قازاندیغینیز زامان تورکیه-یه ایلک دفعه گلیشینیز و ماذون اولدوق‌دان سونرا اؤلکه‌دن سون چیخیشینیز اوچون سیزه "تورکیه بورس لاری" طرفین‌دن اوچاق بیلط لری آلینیر.
4 -تورکیه بورس لاری " عینی زاماندا سیزی طبی سیگورتا ایله تامین ائدیر.
5 -پولسوز/ اؤدنیشسیز یاتاق‌خانا و قیدالانما ایله ده تامین ائدیلیرسینیز.
6 -اگر تورکجه ایمتحانیندان کئچه بیلمه‌سه‌نیز، آکادئمیک تورکجه‌نیز کیفایت ائتمه‌سه، بیر ایل مودتینده تورکجه اؤیرنجکسینیز. بو مودت عرضینده "تورکیه بورس لاری" بوتون ایمکانلاریندان عینی شکیلده یارارلانا‌جاق و بورس آلماغا داوام ائدجکسینیز.
بورس لارین وئریلمه مودتی ایسه بله‌دیر؛
لیسانس پیلله‌سینده: 1 ایللیک تورکجه درسی+6 ایللیک بورس (پروقرامین نورمال مودتین‌دن آسی‌لی‌دیر)
یوکسک لیسانس پیلله‌سینده: 1 ایللیک تورکجه درسی+2 ایللیک بورس
دوکتورا پیلله‌سینده: 1 ایللیک تورکجه درسی+4 ایللیک بورس
آراشدیرما پیلله‌سینده: 3-12 آیلیق بورس
تورکجه اوچون یای مکتبی پروقرامی: 2 آیلیق بورس
دؤولت ایشچی‌لری و آکادمیک‌لر اوچون تورکجه اونسیت پروقرامی:8-10 آیلیق بورس
لیسانس بورس لاری
لیسانس بورس پروقرامی؛ بو پیلله‌دکی مراجعت صاحب‌لری اوچون خصوصی اولا‌راق پلانلاشدیریلمیش بیر پروقرام‌دیر. موهندیس‌لیک‌دن ساغلیق ساحه‌سینه، بشری علم‌لردن سوسیال علم‌لره قدر معین ائدیلمیش موختلیف مؤضوع و درس‌لرله ماراق‌لانان شخص‌لر بو پروقراما مراجعت ائده بیلرلر. موجود بولوم و اونیورسیته لر ایله تانیش اولماق اوچون خاریجده یاشایان تورک‌لر و اقربا ایجما‌لاری ایداره‌سی‌نین اینترنت صحیفه‌سینه باخا بیلرسینیز.
یوکسک لیسانس بورس لاری
آیریجا تورکیه-نین اعتبارلی اونیورسیته لرینده سوسیال علم‌لر، بشری علم‌لر، فن علم‌لری و موهندیس‌لیک ساحه‌لرینده یوکسک لیسانس و دوکتورا پیلله‌لرینده موختلیف پروقرام‌لار تقدیم ائدیلیر. موجود بولوم و اونیورسیته لرله تانیش اولماق اوچون یئنه خاریجده یاشایان تورک‌لر و اقربا ایجما‌لاری ایداره‌سی‌نین اینترنت صحیفه‌سینه باخا بیلرسینیز.
