تورک دیش پولیتیکاسینا باخیشلار (41)
تورک اقتصادی و گ-۲۰
تورکیهنین اقتصادی ریسک و ایمکانلار ایچریسینده اولدوغو بو گونلرده تورکیه اوچون گ-۲۰ اؤنملی بیر پرسپکتیو آچیر. بیز ده بو هفته پروگرامیمیزدا بو گ-۲۰نین تورک اقتصادینا و تورک خاریجی سیاستینه تأثیرینی تحلیل ائدجییک.
قاراتکین اونیورسیتهسی اولوسلارآراسی ایلیشکیلر بؤلومو خوجاسی دکتر جمیل دوغاچ ایپکین قونو ایله باغلی دگرلندیرمهسینی سونوروق.
...
تورکیه جمهوریتینین بؤلگهسل و کورهسل دوزلمده جدی اقتصادی ریسکلر و ایمکانلار ایله قارشی قارشییا اولدوغو سون دؤورده تورکیهنین گ۲۰ اؤلکهلری پرسپکتیوی اؤنم کسب ائدیر. اقتصادین گلهجیینه قرار وئریلدیگی بو گونلرده دیپلوماسینین فرقلی جبههلریندن بیری تورکیه طرفیندن حیاتا گئچیریلیر. خاطیرلاناجاغی کیمی یاخین بیر دؤورده، گ۲۰ مالیه باخانلاری و مرکزی بانک باشقانلارینین گؤروشمهسی، آرژانتینین باشکندی بوئنوس آیرسده ژوئیه آیی ایچریسینده گرچکلشدی. دونیانین ان بؤیوک ۲۰ اقتصادی مالیه باخانلاری و مرکز بانکی باشقانلارینی بیر آرایا گتیرهن کنفرانس ایکی گون داوام ائتدی.
تورکیهنی خزانه و مالیه باخانی برات آلبایراک ایله مرکز بانکی باشقانی موراد چتینکایانین تمثیل ائتدیگی توپلانتییا، دیگر گ۲۰ عضولرینین نماینده هیاتلرینه علاوه اولوسلارآراسی پول فودو، دونیا بانکی و اقتصادی امکداشلیق و قالخینما تشکیلاتی کیمی اؤنچو اولوسلارآراسی تشکیلاتلارین نمایندهلری ده ایشتیراک ائتدی.
دونیا اقتصادینین یوزده ۸۵ینی تشکیل ائدن ۲۰ اؤلکهنین نمایندهلرینی، آمریکا پرزیدنتی دونالد ترامپین آوروپا بیرلیگی، کانادا، مکزیک و چین داخیل اولماقلا بیر چوخ عضوو هدف آلان گؤمروک وئرگیلری و "قصاصا قصاص" قارشیلیق وئرمهلرینین آردیندان ایلک دفعه بیر آرایا گتیرن تدبیرین اساس گوندم مادهسی یوکسهلهن تیجارت گرگینلیکلری اولدو.
بوندان باشقا، کریپتو پوللار، وئرگیلندیرمه و صونعی ذکا دؤورونده استخدام کیمی باشلیقلارین دا توپلانتینین گوندم مادهلری آراسیندا یئر آلدیغی بیلینیر.
اکو-پولیتیکین چوخ اؤنم قازاندیغی بو دؤورده گ۲۰ ندیر و تورکیه اوچون گ۲۰ نئجه بیر اؤنم عرض ائدیر؟
گ۲۰، ۲۶ سپتامبر ۱۹۹۹دا، گ۷ مالیه باخانلاری ذیروهسینده قورولدو. ۲۰لر قروپو (گ۲۰)، دونیانین اینکیشاف ائتمیش و اینکیشاف ائتمکده اولان اؤلکه لیدئرلری ایله آوروپابیرلیگی نمایندهسینی بیر آرایا گتیرهن اولوسلارآراسی بیر اولوشوم. گ۲۰ گؤروشلرینده، اولوسلارآراسی مالیه ثابیتلیینین آرتیریلماسینا دایر دانیشیقلار و ایشلر آپاریلیر. بو قروپدا یئر آلان اؤلکهلر دونیانین توپلام محصولونون بئشده دؤردونو، تیجارتینین ایسه دؤردده اوچونو تمثیل ائدیر.
گونوموزده گ۲۰ یالنیز پول و مالیه سیاستلری دئییل، انرژی، تیجارت و یاتیریما قویولوشلاری دا احاطه ائدن داها گئنیش بیر ساحهده مسشاوره شرایطی یارادیر. بو پلاتفورمدا ایلک نؤوبهده گ۲۰ اؤلکهلری لیدئرلرینین متخصصلری بیر آرایا گلمکده و بو شکیلده حکومتلر آراسی کووردیناسیونلا یاناشی، فیکیر موبادیلهسینین آپاریلدیغی شرایط یارانیر.
گ۲۰، بریتون وودز سیستمی قوروملاری اولان دونیا پول صاندیغی و دونیا بانکینین یئنی قلوبال دوزهنده کیفایتسیز قالماسینین نتیجهسی اولاراق بو قوروملاردا اصلاحاتا گئتمک و بونو ائدرکهن ده مومکون قدر تام بیر پلاتفورم یاراتما آختاریشی ایله قارشیمیزا چیخدی.
معلوم اولدوغو کیمی، گ۲۰نین رسمی بیر قرار آلما مکانیزمی یوخدور. هر بیر عضو اؤز فیکیرلرینی دیله گتیریر و آنلاشما پرینسیپینه گؤره حرکت ائدیلیر. گ۲۰ ده اؤزونو "قلوبال اقتصادی مسئلهلرده یاپیجی موذاکیرهلرین حیاتا گئچدیگی غیر رسمی بیر پلاتفورم" کیمی تصویر ائدیر. هر ایل گئچیریلهن ذیروهنین سونوندا اؤلکهلرین فیکیرلری و ترددودو گؤز اؤنونه آلیناراق بیر بیاننامه نشر اولونور. بئلهلیکله اؤلکهلر، بیلدیریدهکی هدفلره چاتماق اوچون سؤز وئرمیش اولور.
بیر چوخ اولوسلارآراسی تشکیلاتین عکسینه گ۲۰نین داواملی بیر کادری یوخدور. باش کاتیبلیگی ده. باشقانلیق ایسه سیرایلا باشقانلیق اصولو ایله ائدیلیر. بیر اولکی، سونراکی و ایندیکی باشقان، ذیروه گؤروشونون قونلارینا، قونوشماچیلارینا قرار وئریر. گ-۲۰نین باغلانتیلی قروپلاری دا وار: دوشونجه مرکزلرینین توپلاندیغی ت-۲۰، امک قروپلارینین توپلاندیغی ل-۲۰، گنجلر تشکیلاتلارینین توپلاندیغی ی-۲۰ کیمی. تورکیه، ۲۰۱۵دهکی باشقانلیغی زامانی قادین حاقلاری تشکیلاتلارینین توپلاندیغی -W۲۰نی ده قوردو.
تورکیه، هم اینکیشاف ائتمیش هم اینکیشافدا اولان ان بؤیوک اؤلکهلری احاطه ائتدیگی اوچون تمثیل گوجونون یوکسک اولدوغونو دوشونور. گ-۲۰نی قلوبال اقتصادی امکداشلیق و ائشگودوم آچیسیندان اویغون پلاتفورم کیمی تانیملاییر. بو سببله گ-۲۰نین بوتون فعالیتلرینی و توپلانتیلارینا اهمیت وئریب، یوکسک سویهده فعال ایشتیراکی پرینسیپینه گؤره حرکت ائدیر. آیریجا قلوبال اقتصادی یؤنتیشیمین مؤهکملندیریلمهسی باخیمیندان گ-۲۰نین رولونون گوجلندیریلمهسیندن ده یانا.
تورکیه، هم اینکیشاف ائتمیش هم اینکیشافدا اولان ان بؤیوک اؤلکهلری احاطه ائدن تمثیل کیفیتی یوکسک قورولوشو ایله گ-۲۰نین قلوبال اقتصادی امکداشلیق و ائش گودوم آچیسیندان ان اویغون پلاتفورماولدوغونا اینانیر و گ-۲۰نین ایشلرینه فعال قاتقی وئریر.
(تورکیه، ۱ دسامبر ۲۰۱۴ تاریخینده اوستلندیگی گ۲۰ دؤنم باشقانلیغینی ۱۵-۱۶ نوامبر ۲۰۱۵ تاریخلرینده آنتالیادا تشکیل اولونان لیدئرلر ذیروهسی ایله تاماملادی و ۱ دسامبر ۲۰۱۵ تاریخی اعتباریله گ۲۰نین باشقانلیغینی چین خالق اوزرینه گؤتوردو).
دونیا اقتصادی سیستمی یئنیدن قورولرکن، تورکیه داها اولکی دؤورلردن فرقلی اولاراق کناردان تاماشاچی مؤوقعیینده دئییل. گ-۲۰ده یئر آلان بیر تورکیه آرتیق دونیادا چوخ داها اهمیتلی بیر اؤلکه. داوام ائدن آوروپابیرلیگی عضولوک مذاکیرهلری ده بو باغلامدا ایشلهوسل اهمیت قازانیر. آوروپا اؤزل سکتورون ده تئز تئز وورغولادیغی کیمی، قلوبال رقابت گوجو یوکسک بیر آوروپابیرلیگی اوچون تورکیهنین عضولویونون قاتقیسی اؤنملی.
...
قاراتکین اونیورسیتهسی اولوسلارآراسی ایلیشکیلر بؤلومو خوجاسی دکتر جمیل دوغاچ ایپکین قونو ایله باغلی دگرلندیرمهسینی سوندوق.