تورکیه‌ده توریزم – ۱۲
تورکیه‌نین گؤزللیکلری: دیارباکیر
دیارباکیر، تورکیه‌نین گونئی دوغو آنادولو بؤلگه‌سین‌ده یئر آلان بیر شهر. جغرافی مؤوقعیتی سببی ایله تاریخ بویونجا بیر چوخ مدنیت گلمیش گئچمیش دیارباکیردان. بوتون بو مدنیتلرین ایزلری گونوموزده هله کوچه‌لرین‌ده، جاده‌لرین‌ده، مسجیدلرین‌ده، کلسه‌لرین‌ده، کؤرپولرینده حس ائدیلیر. گئچمیش یوخ اولمامیش دیاربکیرده؛ هاواسینا سویونا سینمیش شهرین.
...
حوریلردن آسورلولارا، پرسلردن رومالیلارا، بیزانس‌لیلاردان عباسیلره، سلجوق‌لولاردان عثمانلیلارا قدر ۳۳ فرق‌لی مدنیته "یورد" اولموش بیر شهر دیارباکیر. آسیانین مزوپوتامیایا آچیلان قاپی‌سی اؤزللیگینی داشیدیغین‌دان، تاریخ بویونجا هر زامان اؤنم‌لی بیر تیجارت مرکزی، مدنیت کؤرپوسو اولموش. ایپک یولو اوستون‌ده اولدوغون‌دان، دوغونون ان آنیدسال کروانسلرایلاری، بیر بیرین‌دن گؤزل کؤرپولری بورادا اینشا ائدیلمیش. دیارباکیر قالاسی و هوسل باغچالاری، شهرین صاحب اولدوغو ان اؤنم‌لی تاریخ و مدنیت وارلیقلاری آراسین‌دا ... دیارباکیر قالاسی، تاریخه جسارتله گلیب گئچن بوتون مدنیتلرین ایزلرینی ساخلاییر. زامان ایچین‌ده بؤلگه‌ده‌کی مدنیتلرین و دؤورون احتیاجلاری دوغرولتوسوندا شکیلنن قالا، ۷۰۰۰ ایللیک بیر گئچمیشه صاحب.
بئش یاریم کیلومتر اوزونلوغونداکی سور(بارو)لارین قاپیلارین‌دا، کیتابه‌لرینده، بزه‌مه‌لرینده، گؤرکملی بورجلارین‌دا اونلارجا مدنیتین ایزینی جان‌لی شکیلده گؤرمک مومکون. ایکی سیرا حالیندا، دؤرت آنا قاپییلا دیشاری آچیلان بارولار، چین سدیندن سونرا دونیاداکی ان اوزون بارولار اولاراق بیلینیر.
…
هوسل باغچالاری، دیارباکیر سورلاری ایله دجله چایی آراسین‌دا یئر آلان بیر بؤلگه ... مینلرجه ایلدیر اکین‌چی‌لیک ساحه‌سی اولاراق ایستیفاده ائدیلیر؛ مزوپوتامیانین بلکه ده ان اسکی تاخیل آنباری اولدوغو سؤیله‌نیر. دجله چایینین آخیشینین آزالماسییلا اورتایا چیخان بو وئریملیتورپاقلاردا، آنتیک دؤورلرده آغیرلیق‌لی اولاراق اکیلن تاخیلدان سونرا، ایریلیگینی گؤیرچین گوبره‌سینه بورج‌لو اولدوغو دئییله‌ن مشهور دیارباکیر قارپوزونون یانین‌دا هر نؤوع یاشیللیق و میوه یئتیشیر. هوسل باغچالاری، گونئی دوغو آنادولو بؤلگه‌سینین ان بؤیوک قوش جنتی. ۱۸۰دن چوخ قوش نؤوعونون یانین‌دا سو سامورو، تولکو، ساوسار، سنجاب و کیرپی کیمی بیر چوخ حیوانین دا مسکنی. بؤلگه، گؤز قاماشدیران منظره‌سی ایله گؤزسل بیر شؤلن سونور.
بو مؤحتشم قالا دووارلاری و باغچالار، اورگانیک بیر بوتونلوک ایچین‌ده اولدوقلاری اوچون بیرلیکده دگرلندیریله‌رک تورکیه‌نین دونیا لیسته‌سین‌ده ۱۴.جو میراث ساحه‌سینی میدانا گتیردیلر. ۲۰۱۵.جی ایلده یونسکونون دونیا میراث لیسته‌سی ایچین‌ده‌کی یئرلرینی آلدیلار.
...
دیارباکیره گئده جک اولان قوناقلارا توصیه‌میز؛ قالانین و هوسل باغچالارینین یانین‌دا، تاریخی سیپاهیلر چارشی‌سینی گزمه‌دن، حسن پاشا خانی‌نی، اولوجامی‌نی، مریم آنا کلسه‌سینی، کروانسارایی، اسکی دیارباکیر ائولرینی گؤرمه‌دن، موزه‌لره گئتمه‌دن دؤنمه‌یین. یئرلی لذتلردن؛ یارما، قییما و ادویاتلا پیشیریلن "ناردان آشی"نی، قوزو اتی، کدو و بادیمجان‌دا پیشیریلن "مفتونه"نی، اوغلاق قابیرغاسین‌دان پیشیریلن "قابیرغا دولماسی"نی دادماق دیگر توصیه‌لریمیز.
