تورکیه‌ده توریزم – ۱۳
آنتالیا و موغلا ویلایتی سرحدلری ایچین‌ده‌کی بو شهرلر، یونسکونون دونیا میراث لیسته‌سین‌ده یئر آلیر
کسانتوس و لتون، تاریخی میلاددان اؤنجه ۳۰۰۰لره قدر اوزانان ایکی آنتیک شهر.
تورکیه‌نین آغ دنیز بؤلگه‌سین‌ده، آنتالیا و موغلا ویلایتی سرحدلری ایچین‌ده‌کی بو شهرلر، یونسکونون دونیا میراث لیسته‌سین‌ده یئر آلیر.
کسانتوسون آنتیک دؤورده لیکیانین ان بؤیوک اداری مرکزی و باشکندی اولدوغو بیلینیر. میلاددان اؤنجه ۵۴۵.جی ایلده پرسلرین اگمنلیینه گیره‌نه قدر موستقیل اولان شهر، بوندان تخمیناً یوزایل قدر سونرا تامامیله یاندی. یانغینین آردین‌دان یئنی اینشا ائدیلمیش؛ حتی میلاددان اؤنجه ۲.جی یوزایل‌ده لیکیا بیرلیگینین مرکزی اعلان ائدیلدی.
داها سونرا، سیراسییلا رومالیلارین و بیزانس‌لیلارین کنترلونا گئچن کسانتوس، ۷.جی عصرده‌کی عرب یوروشلرینه قدر بیزانس حاکمیتین‌ده قالمیش. شهره یئرلشه‌ن هر بیر مدنیتین اینشا ائتدیردیگی بینالاردا لیکیا عنعنه‌لرینی، هلنیستیک و روما دؤورو تاثیرلرینی گؤرمک مومکون. یارولارلا احاطه‌لی شهرین ان ماراق‌لی قالیقلاری هلنیستیک دؤوره عاید تاتر، آنید قبیرلر، لیکیا قبیرداشلاری اوزرین‌ده قابارتمالار و کیتابه‌لر.
کسانتوسا ۴ کیلومتره مسافه‌ده یئرلشه‌ن لتون ایسه آنتیک دؤورده لیکیانین دینی مرکزی قونوموندایمیش.
۳۰ ایلدیر آپاریلان قازینتیلاردا اله گئچه‌ن تاپینتیلارا گؤره، ایلک یاشاییش میلاددان اؤنجه ۷.جی یوزایله قدر اوزانیر. آنتیک شهر مرکزین‌ده یان یانا دوزولموش ۳ معبد یئرلشیر. بونلار آرتمیس، آپولان و لئتویا حصر ائدیلمیش. بؤلگه‌ده یئرلشه‌ن، لیکجه، آرامیجه و گرکجه یازیلمیش اوچ دیل‌لی کیتابه، لیکیا دیلینین چؤزولمه‌سین‌ده بؤیوک رول اوینامیش. تاپیناقلارین یانین‌دا بیر بولاق و ارکن خریستیان‌لیق دؤورو کلیسه‌سی یئر آلیر. هلنیستیک دؤور تاتری گؤرولمه‌یه دگر قالیقلار آراسین‌دا.
...
کسانتوس و لتون، داشیدیقلاری آرکئولوژیک قالیقلار و لیکیا اویقارلیغینین اؤزگون‌لوگو باخیمین‌دان دونیا میراثینین اؤنملی دگرلری.
بو آنتیک شهرلری گؤرمک اوچون بؤلگه‌یه گئتسه‌نیز؛ کارئتتا کارئتتا دنیز تیسباغالارینین تورکیه‌ده‌کی ان اؤنملی اۆره‌مه/ چوخالما ساحه‌سین‌دن بیری اولان پاتارا چیمرلیین‌ده دنیزه گیرمه‌لیسینیز، کئکووا کؤرفزین‌ده باتیق سیمئنا آنتیک شهری اوزرین‌ده قاییق ایله گزمه‌نیزی، ساخلی‌کنت یارغانین‌دا ماجرالی بیر گزینتییه چیخامانیزی، دمره‌ده‌کی سن نیکولاس(نوئل بابا) کلیسه‌سینی زیارت ائتمه‌نیزی، مؤحتشم گؤزل‌لیکده‌کی کیچیک کؤزفزلرده گمی تورونا چیخماغی تکلیف ائدیریک.
