تورکیهده توریزم- ۱۸
ایکی قارهنین بزهگی: ایستانبول
ایستانبول، ایکی قاره، آوروپا ایله آسیانی بیر بیرینه باغلایان بیر شهردیر. جغرافی قونومونا گؤره تاریخ بویو همیشه اؤنملی بیر یاشاییش مرکزی اولموش.
میلاددان اؤنجه ۷.جی یوزایلده قورولان ایستانبول، بیر چوخ فرقلی مدنیته ائو صاحبلیگی ائتمیش. مدنیتلرین، دینلرین، اویقارلیقلارین بیرلشمه نقطهسی اولموش.
تاریخ بویو اوچ بؤیوک امپراتورلوغا، روما امپراتورلوغونا، دوغو روما امپراتورلوغونا و عثمانلی امپراتورلوغونا باشکندلیک ائتمیش. بو گؤرکملی تاریخی ایله مختلیف مدنیتلرین اۆرونو اولان یاپیدلاری بنزرسیز بیر جغرافیادا بیر آرایا گتیرهن ایستانبول، ۱۹۸۵.جی ایلده یونسکونون دونیا میراث لیستهسینه داخیل ائدیلمیش.
ایستانبولون، قوزئییده خلیج، دوغودا ایستانبول بوغازی و گونئیده مرمره دنیزی ایله احاطه اولونان پارچاسی گونوموزده "تاریخی یاریم آدا" اولاراق آنیلیر.
بو یاریم آداداکی ۴ بؤلگه، "ایستانبولون تاریخی ساحهلری" کیمی دونیا میراث لیستهسینه آلیندی. بو بؤلگهلر؛ سلطان احمد شهرسل آرکئولوژیک قوروما آلانی، سلیمانیه قوروغو، زئیرک قوروغو، ایستانبول قارا سورلاری قوروغو.
سلطان احمد شهرسل آرکئولوژیک قوروما آلانینین؛ توپقاپی سارایی، آیاسوفیا، هیپودروم، آیا ایرینی و کیچیک آیاسوفیا مسجیدینی ایچینه آلیر.
توپقاپی سارایی، عثمانلی امپراتورلوغونون اوزون تاریخی بویونجا، پادشاهلارین یاشادیغی و امپراتورلوغون ایداره اولوندوغو ان اؤنملی سارایلاردان. فاتح سلطان محمد طرفیندن تیکیمی باشلادیلان سارای، ۱۵.جی یوزایلین سونونا دوغرو باشا چاتدیریلمیش و ایستیفاده ائدیلدیگی دؤورده ۴۰۰۰ دولاییندا اینسانا ائو صاحبلیگی ائتمیش.
تخمیناً ۸۰ مین مربع مترلیک ساحهده قورولو اولان سارای، یئنی سارایلارین تیکیمی ایله گئچمیش اؤنمینی ایتیرمیش. آنجاق قوتسال امانتلر، خزانه و ضربخانانین بورادا محافظه ائدیلمهسینه داوام ائدیلنیش.
توپقاپی سارایی، ۱۹۲۳.جو ایلده عثمانلی امپراتورلوغونون سونا چاتماسیندان سونرا، موزه اولاراق آچیلدی.
اوزون ایللر بیر دونیا امپراتورلوغونون ایداره مرکزی اولماسی باخیمیندان دقت چکن سارایدا؛ عثمانلی معمارلیغینا و صنعتینه عاید اثرلر، مینیاتورلار، اسلامی ال یازمالاری، پالتارلار، سلاحلار، دووار رسملری، گوندهلیک حیاتدا ایستیفاده ائدیلهن اشیالار ایله عثمانلی خزانهسینین و جواهرلرینین توپلاندیغی بؤیوک کلکسیونلار وار.
آیاسوفیا، ایستانبولداکی ان اؤنملی یاپیرلاردان بیریدیر. بیزانس امپراتورلوغو دؤورونده، ۵۰۰لو ایللرده تیکیمینه باشلانان کلیسه، قبهسی ایله مشهور. معمارلیق تاریخینده بیر دؤنوش نقطهسی اولان آیاسوفیا بو گون موزه اولاراق خیدمت وئریر.
هیپودروم دئییلهن بؤلگه، ۲۰۰لو ایللرده ایدمان فعالیتلری و سوسیال مرکز اولاراق اینشا ائدیلمیش. گونوموزه قالیقلاری گلمیش.
آیا ایرینی و کیچیک آیاسوفیا، بیزانس دؤورونده اینشا ائدیلهن و معماریلری ایله دقت چکن ارتدوکس کلیسهلری.
سلیمانیه مسجیدی، قانونی سلطان سلیمان طرفیندن ۱۶.جی یوزایلین اورتالاریندا معمار سینانا تیکدیریلن بیر مسجید. بو گون ایستانبولون محتشم منظرهسینی معین ائدن ان گؤزل اثرلردن بیری. شهرین هم دینی، هم ده سوسیال و مدنی احتیاجلارینا جاواب وئرهبیلهجک بیر مجتمع حالیندا حاضیرلانمیش. مسجید دیشیندا، خستهخانا، حامام، کاروانسارا، دؤرد مدرسه، طب فاکولتهسی و بیر عمارتخانا وار. بو یاپیلارین بیر چوخو بو گون ده وارلیغینی داوام ائتدیریر.
دونیا میراث لیستهسینه آلینان بؤلگهلردن بیری، زئیرک قوروما ساحهسینه گلینجه؛
زئیرک مسجیدی و یا پانتوکراتور ماناستیری، اوچ ارتدوکس کلیسهسیندن عبارت اولان اؤنملی بیر قورولوش. ۱۲.جی یوزایلده اینشا ائدیلهن صومعه، ایستانبولون فتحیندن سونرا مدرسهیه چئویریلمیش.
بؤلگه، عثمانلی ائولرینین قورولوشو، حیات طرزی و معماریسی باخیمیندان اؤنملی نومونهلر ساخلاییر. ایستانبولدا معینلشدیریلن ان قدیم ائولردن بیری ده بورادا یئرلشیر.
زئیرک قوروغو، یونسکونون نسلی کسیلمکده اولان آنیدلارین ایزلنمه لیستهسینه علاوه اولونموش و اوناریمی گئنیش اولاراق حیاتا گئچیریلمیش.
ایستانبول قارا سورلارینی قورووما آلانی، شهرین قورولدوغو تاریخی یاریم آدانی قورو و دنیز طرفیندن احاطه ائدن قالا دیوارلاری ایله یاخین چئورهسینی ایچینه آلیر.
سورلارین/قالا دیوارلارینین اینشاسی ایلک اولاراق ۴.جو یوزایلده باشلامیش و تاریخ بویو بیر چوخ دفعه علاوهلر، دییشیکلیکلر ائدیلمیش.
قالا دیوارلاریندا اولان گؤرکملی قاپیلار، شهره گلنلره دؤولتین گوجونو گؤسترهن آنیدسال قورولوشلار اؤزللیگینده. قاپیلار گونوموزده هله ده ایستیفاده ائدیلیر. عثمانلی ایمپراتورلوغو زامانیندا قالا دیوارلاری و قاپیلار بیر چوخ دفعه برپا اوناریلمیش؛ بعضی بؤلوملری یئنیدن اینشا ائدیلمیش.
گؤزللیگی شعرلره، رومانلارا، فیلملره ده قونو اولان، طبیعی و تاریخی باخیمدان بنزرسیز شهر ایستانبول، اؤتن ایل تخمیناً ۱۴ میلیون خاریجی توریستی قوناق ائتدی.