تورکیه ده توریزم-۲۱
تورکیهنین قارادنیز ساحلینده بیر ائل؛ سینوپ
تورکیهنین قارادنیز ساحلینده بیر ائل؛ سینوپ… گؤی ایله یاشیلین ایچ ایچه گئچیب محتشم گوزللیکلر سوندوغو بؤلگهلردن بیری.
سینوپ میلاددان اؤنجه ۷.جی یوزایلده بیر تیجارت کولونیسی اولاراق قورولموش. بیر گؤروشه گؤره آدینی، میتولوژیده ایرماق تانریسی آسوپوسون سو پریسی قیزی اولاراق آنلادیلان سینوپهدن آلمیش. دیگر بیر گؤروش ایسه آدینین آسورلولارین آی تانریسی اولان «سین» دن گلدیگینی سؤیلهییر.
آرکئولوژیک قالینتیلار، سینوپ ائلینین و چئورهسینین ایلک چاغلاردان اعتیبارا قالابالیق جمعیتلی بیر یئرلشیم یئری اولدوغونو گؤسترییر. جغرافی قونومو و دوغال لیمان اولوشو، قارادنیزدن گلن یئللره قاپالی اولماسی، یئرلشیم یئری اولاراق ترجیح ائدیلمهسینی ساغلامیش. مقدونیه کرالی ایسکندر زامانیندا، شهر پارلاق بیر دؤنم یاشامیش؛ بیلیم و کولتوره اؤنم وئریلرک بیلگینلر، فیلوسوفلار حمایه آلتینا آلینمیش. آردیندان روما و بیزانس اگمنلیگینه گئچمیش. ۱۱.جی یوزایلین سونلارینا دوغرو دا تورک توپراقلارینا قاتیلمیش.
سینوپ، قوناقلارینی بنزرسیز دوغال گؤزللیکلرله و تاریحی اثرلرله قارشیلاییر. بونلاردان ان اؤنملیسی اولان هامسیلوس کؤرفزی؛ تورکیهنین ان قوزئی نقطهسینده یئر آلیر. گئچمیشده ساواش گمیلرینین گیزلندیگی، گونوموزده ایسه بالیقچیلارین فیرتینالی هاوالاردا سیغیندیقلاری کؤرفزین، اولوشوم اؤزللیکلری اعتیباریلا دونیاداکی تک ینزری نروژده وار.
آدینی قومونون رنگیندن آلان ساری قوم و قاراقوم کؤرفزی اایله آغلیمان، دنیز توریزمینه مراغیلی اولانلارا، اورمانلا ایچ ایچه اولان گؤزللیکلر سونور.
ایری بالاجا توپلام ۲۸ شلالهدن اولوشان ارفلک شلالهسی؛ دوغا یئریییشلرینی سئویرسنیز، سو دییرمانلارینین دا اولدوغو، وحشی یاخیندان گؤزلملهیهبیلهجگینیز بیر یول سونور. ۲۸ پله حالیندا سیرالانمیش شلالهیه چیخدیغینیزدا سیزی گؤزل بیر تورک قهوهسی گؤزلهییر.
یاپیمی میلاددان اؤنجه ۷.جی یوزایله قدر گئدن سینوپ قالاسی، یئرآلتی تونللرینین ده اولدوغو بویابات قالاسی، بؤلگهنین تاریخی اوزرینئ سیزه فیکیر وئریر.
تورکیهنین ان قوزئی نقطهسینده یئر آلان، آپآغ ظریف بورجو ایله اینجه بورون دنیز فانوسو، ۱۹.جو یوزایلین اورتالاریندان بری هم گمیلره یول گؤستریر؛ هم ده قارادنیزین ائشسیز منظرهسینی ایزلمه ایمکانی وئریر.
بویابات ائلچهسیندهکی بازالت قایالیقلاری، چوخ ساییدا یئرلی و یابانجی توریستین گزدیگی یئرلردن بیری. ائشسیز ااؤزللیکلره صاحب بؤلگه، طبیعت آنیدی اعلان ائدیلمیش دورومدا.
سینوپداکی اؤنملی تاریخی یاپیلاردان بیری سینوپ زندانی. یوزلرجه ایل اؤنجه قالا اولاراق اینشا ائدیلمیش. سونراکی دؤنملرده دییشدیریلمیش، اوناریلمیش و یئنی بؤلوملر اکلنمیش. ایچ قالا، گئنیش سورلار و بورجلاردان اولوشان یاپی، بیر دؤنم گمی یاپیمائوی، سونرالاری زندان اولاراق قوللانیلمیش. بوگون موزئه اولاراق قوناقلارینی آغیرلاییر.
آغگؤل، اینالتی ماغاراسی، آرکئولوژی موزهسی، شهرده گؤرمدن دؤنممهنیزی اؤنردیگیمیز دیگر یئرلر.
سینوپ… «مندن بیر ایستگین وار می؟» دئیه سوروشان کرال بویوک ایسکندره «کؤلگه ائتمه باشقا احسان ایستهمم» دئیه جواب وئرن اۆنلو فیلوسوف دیوژنین دوغولدوغو تورپاقلار…
تورکیه ایستاتیستیک قورومونون اوچ ایلدیر یاپدیغی آراشدیرمایا گؤره، تورکیهنین «ان موتلو شهری»…
سینوپلولارین اؤزلرینی «موتلو» دئیه دگرلندیرمهلرینین سببینی یئرینده گؤزلملهمک، موتلو اینسانلارین شهرینده دوغال و تاریخی گؤزللیکلرین دادینی چیخارماق ایسترسنیز سینوپ سیزی گؤزلهییر.