تورکیه ده توریزم- ۲۲
بئش مین ایللیک گئچمیشه صاحب بیر مرکز: حارران
بئش مین ایللیک گئچمیشه صاحب، ایلک چاغلاردان بئری کولتورل آچیدان اؤنم داشییان بیر مرکز: حارران(حران)…
تورکیه‌نین گونئی دوغو بؤلگه‌سینده، شانلی اورفا ائلینه ۴۴ کیلومتر اوزاقلیقداکی حارران؛ مزوپوتامیا ایله آغدنیزی بیرلشدیرن بیر بؤلگه‌ده.
آرکئولوژیک قازیلاردا الده ائدایلن چیوی یازی‌لی لوحلاردان آنلاشیلدیغی قدری ایله حارران آدی، تخمینا ۴ مین ایل‌دیر دییشمدن قوللانیلیر. کلمه‌نین سومرجه و آکادحا «سیاحت، کروان» یا دا «کسیشن یوللار» آنلامینا گلدیگی بیلینیر.
آدینین آنلامینا اویغون اولاراق، حارران، اؤنملی تیجارت یوللارینین کسیشدیگی بیر نقطه‌ده یئرلشیر. آنادولو ایله مزوپوتامیا آراسینداکی تیجارت آخیشینین مینلرجه ایل حارران اوزریندن ائدیلمیش اولماسی، بو تاریخی شهرده زنگین بیر کولتور بیریکیمینین اولوشماسینی ساغلامیش.
بیلیمده، صنعتده، اؤزللیکله ده فلسفه‌ده ایرلی آدیملار آتیلمیش.
گونوموزده، دونیاداکی اوچ بویوک فلسفه مکتبیندن بیری‌سی «حارران مکتبی» اولاراق آدلاندیریلیر. ایلک چاغ‌دان بئری وارلیغی بیلینن حارران اونیورسیته‌سینده دونیاجا اۆنلو بیر چوخ بیلگین یئتیشمیش.
دؤورونون ان بویوک ریاضیاتچیلاریندان، طب‌چیلرین‌دن اولان، یونان فیلوسوفلارینین اثرلرینی عربجه‌یه چئویرن ۸۰۰لو ایللرده یاشامیش ثابت بن قره؛ یئنه عینی دؤنمده دونیانین آیا اولان اوزاق‌لیغینی دوغرو حسابلایان، آوروپالیلارین آلباتانیوس دئیه آدلاندیردیغی بتانی؛ یونان فیلوسوفلارینین عکسینه ماده‌نین بؤلونه‌بیلن ان کیچیک پارچاسینین مدهیش بیر انرژی ایله پارچالاناراق بؤیوک بیر شهری ییخابیله‌جگینی سؤیله‌ین جابر بن حیان؛ دین بیلگینی شیخ‌الاسلام ابن تیمیه؛ حارران‌داکی اوخوللاردا یئتیشمیش دونیادا اۆنلو بیلگینلردن بعضیلری.
دقت چئکیجی بیلیمسل آراشدیرمالارین ائدیلدیگی دؤنمده حارران اونیورسیته‌سی بوتون دونیادا اۆن قازانمیش.
تورک-اسلام دؤولتلرینه ائو صاحبلیغی ائدن حارران، ۱۲۶۰لی ایللرده موغول ایستیلاسینا اوغرامیش و آردین‌دان شهرین پارلاق گونلری سونا ارمیش؛ کیچیک بیر یئرلشیم بیریمی حالینا گلمیش.
حارراندا ۲۲ متره یوکسکلیگینده‌کی هؤیوک)آرکئولوژیک تپه)، اولدوکچا گئنیش بیر آلانا یاییلیر و بیزه بؤلگه‌ده مینلرجه ایل کسینتی‌سیز یئرلشیم اولدوغونو سؤیله‌ییر. چئشید‌لی دؤنملره عاید معماری قالینتیلاری و چوخ اسکی بیر گئچمیشی اورتایا چیخارداجاق تاپینتیلاری باریندیریر.
حارران قالا‌سی بؤلگه‌ده‌کی ان اؤنملی تاریخی یاپیلاردان بیری… قایناقلار، کیچیک بیر معبدین ۱۱.جی یوزایل‌ده یئنیلندیگینی، گئنیشلدیلدیگینی و سورلارین(بارولارین) یاپیلدیغینی بیلدیریر.
۸.جی یوزایل‌ده اینشا ائدیلن حارران اولو جامعی؛ آنادولودا اینشا ائدیلن ایلک آنیدسال بویوک مسجد، ایلک حیطلی مسجد و ان زنگین داش بزک‌لی ایلک مسجد اولما کیمی اؤزللیکلره صاحب. زامان ایچینده گنیشله‌دیلن مسجد جامع، بوتون بو یؤنلرایله آنادولو جامعی معماری‌سی آچیسین‌دان اؤنملی یئره صاحب.
بابل دؤنمینده، میلاددان اؤنجه۲۰۰۰لی ایللرده آی تانری‌سی سینه آدانان سین معبدی، روما-بیزانس دؤنمیندن قالان شعیب شهری خرابه‌لری، ۱۲.جی یوزایل‌ده یاشامیش بویوک اسلام بیلگینی شیخ یحیی حیات الحرانی آدینا تیکدیریلن مسجد و توربه، بؤلگه‌ده‌کی دیگر اؤنملی اثرلر.
گونوموزده حاررانین ان چوخ ایلگی گؤرن تاریخی و کولتورل خزانه‌سی حارران ائولری.
بو گلنکسل ائولر، مخروط قبه‌لی… یان یانا گلن تک قبه‌لر، ایچ حیطده کمرلرله بیربیرینه باغلانیر و بئیله‌جه ایچریده گئنیش بیر اوتورما آلانی الده ائدیلیر. ائولرین ائشسیز گؤرونتوسو دیشین‌دا ان اؤنملی اؤزللیگی، یازدا سرین، قیشدا ایستی اولمالاری. آرکئولوژیک و شهرسل سیت آلانی(آرکئولوژیک ساحه) اولان حارراندا، قبه‌لی بو ائولر قوروما آلتینا آلینمیش دوروم‌دا.
یوزلرجه ایللیک گئچمیشی گونوموزه اولاشدیران، عادتا بیر ناغیل شهری گؤرونومونده‌کی حارران، هر ایل مینلرجهئ یئرلی و خارجی توریست طرفین‌دن گزیلیر.
