تورکیهده توریزم-۲۳
ریزه، ان اؤنملی اؤزلیگی یام یاشیل دوغاسی
ریزه، تورکیهده دوغو قارادنیز ساحلینده یئر آلان بیر شهر… ان اؤنملی اؤزلیگی یام یاشیل دوغاسی.
ریزه؛ تورکیهده، ائشسیز گؤزلیکدهکی یایلاقلاری، بیر چوخ آغاج و بیتکی نوعوونون اولدوغو اورمانلاری، ایرماقلاری، درهلری، داغلاری، بوزلاق گؤللری ایله اونلو. شهر، سادهجه دوغال زنگینلیکلره دئییل، کولتورل و تاریخی وارلیقلارا دا صاحب.
ریزه، آنادولونون قوزئی دوغوسوندا کاچکار داغلاری ایله قارادنیز آراسیندا اولدوقجا سیلدیریم بیر اراضیده یئر آلیر. بؤلگهنین دوغال بیتکی اؤرتوسو، ساحل بویو نمین و یاغیشین چوخ اولماسی سببی ایله گئنیش یاپراقلی گۆر اورمانلاردان اولوشور. تورکیه اورمانلارینین یوزده ۲۵ینی اولوشدورور و صاحیب اولدوغو اورمانلار باخیمیندان تورکیهنین ان زنگین بؤلگهسی…
آیدر، آنزر، اوویت، پوکوت، سال، گیتو، ائلئویت، چیچکلی یایلاقلاری ریزهنین اۆنلو یایلاقلاری… بو یایلاقلارین بعضیلرینده حیوانچیلیق و اکینچیلیک فعالیتلری گونوموزده ده داوام ائدیر و چوخو توریزمه آچیلمیش دورومدا… کاچکار داغلارینا سپیشدیریلمیش یایلاققلار؛ اوتانتیک، سئویملی یایلاق ائولریله، اونلارجا بیتکی و آغاج نؤوعویله سیزی کارشیلاییر. یایلاقلارین چوخوندا ائو پانسیونچولوغو ائدیلمکده. بؤلگه، داغچیلیق و یئریییش ایدمانلاری اوچون بیر چوخ اولاناق سونور ماراقلیلارینا.
اویغون مؤوسیمده، اؤزلیکله یازدا و یا یای مؤوسیمی باشیندا گئدرسنیز، اونلارجا چئشید چیچگین یاییلان قوخوسونو ایچینیزه چئکرک یئریمنیز ممکن.
ریزه یایلاقلاری؛ زنگین فلورا و فائونا یاپیسییلا، ایریلی کیچیکلی بیرچوخ بوزلاق گؤلویله گؤرولمهیه دگر یئرلردن. هر بیری مراقلیلارینا فرقلی اولاناقلار سونور. سؤزگلیمی آیدر یایلاغینداکی کایستی سولار شفا داغیدیر قوناقلارینا.
آیدر یایلاغیندا، دگر یایلاقلاردان فرقلی اولاراق، اوتانتیک یایلاق ائولرینین یانی سیرا، هتلده قوناقلاماغی ترجیح ائدنلر اوچون بو ایمکان دا وار.
۲۱۰۰ متر یوکسکلیکدهکی آنزر یایلاغینین شفا قایناغی آنزر بالی دونیادا اۆنلو. اینسان ساغلیغینا بیر چوخ فایداسی اولدوغو بیلینن آنزر بالی، یایلاقلارین مین چئشید چیچگینین اؤزو عادتا. یاز آیلاریندا یاشیلین فرقلی تونلارینا، قیش آیلاریندایسا ساری و قیرمیزی آغیرلیقلی رنکلره بورونرک یارپاق دؤکن آغاجلارییلا، اؤزللیکله دوغا یئریییشی و فوتوگرافچیلیغی اوچون جزب ائدیجی.
بعضی یایلاقلاردا یاماج چتر اوچوشو، بعضیلرینده ایسه قیش توریزمینه اویغون جغرافی پتانسیل وار.
کاچکار داغلارینین قارادنیزه باخان یاماجلارینداکی کیچیک چایلارین بیرلشمهسی ایله اولوشان و ریزه آردئشن یاخینلاریندا قارادنیزه دؤکولن فیرتینا درهسینده، دوغال یاشام بوتون گؤزلیگی ایله داوام ائدیر. سؤزگلیمی بیر چوخ یئرده نسلی تۆکنن قیرمیزی خاللی آلابالیقلاری گؤرمهنیز ممکن. ۵۷ کیلومئتر اوزونلوغونداکی فیرتینا درهسینین رافتینگ اوچون اویغون یئرلری ده وار.
…
ریزهده گئچمیشی ۱۳-۱۴.جو یوزایله قدر اوزانان چوخ ساییدا قالا وار. قورونماق، خبرلشمک، گؤزتلهمک، یئترلی نظامی گوج ساخلاماق کیمی سببلرله اینشا ائدیلن بو قالالارین ان اۆنلوسو زیل قالا. گؤرونتوسویله سیزی اورتاچاغا گؤتورن قالا، شهردهکی واروش قالا، جیحا قالا و قیز قالاسی کیمی هم یؤرهنین، هم ده آنادولویا اولاشان اؤنملی بیر اورتاچاغ کروان یولونون گوونلیگینی ساغلاییردی.
ریزهیه گئدرسنیز، بول اوکسیژنلی یایلاقلارینا چیخمادان، زنگین بیر کلکسیونا صاحیب موزهنی گؤرمهدن، گئچمیش یوزایللردن گونوموزه گلمیش اولان کمرلی کؤرپولری فوتوگرافلامادان، خمسیلی پلو و خمسیلی اکمگی دادمادان، اۆنلو ریزه چاییندان ایچمهدن، یؤرهنین گلهنکسل توخومالاریندان اولان فئرئتیکو ساتین آلمادان دؤنمهیین.
دوغانین اینساناوغلونا سوندوغو گؤزلیکلرین دادینی چیخارماق ایستهییرسنیز سیجاققانلی، قوناقسئور خالقییلا ریزه سیزی گؤزلهییر.