تورکیه‌ده توریزم-۲۴
مؤولانا ایله آدی قایناشان شهر، اولدوقجا زنگین بیر تاریخی گئچمیشه صاحب
قونیا، ایچ آنادولو بؤلگه‌سین‌ده یئر آلان بیر شهر ... تورکییه‌نین تاریخی و مدنی باخیمدان ان اؤنملی مرکزلرین‌دن بیری. تورک و اسلام عالمینین مشهور دۆشونورلرین‌دن مؤولانا ایله آدی قایناشان شهر، اولدوقجا زنگین بیر تاریخی گئچمیشه صاحب. بؤلگه‌ده مسکونلاشمانین میلاددان اؤنجه ۹۰۰۰لرده باشلادیغی دوشونولور. شهر مرکزینه یاخین بیر مؤقع‌ده اولان چاتال‌هؤیوک، بو گونه قدر کشف ائدیلمیش ان اسکی و ان گلیشمیش نئولیت دؤوروندن یئرلشیم مرکزی اولاراق بیلینیر. دونیا اؤلچوسون‌ده ایلک دفعه یئمک مدنیتینین باشلادیغی، اکینچیلیین ائدیلدیگی، اودون ایستیفاده ائدیلدیگی، اوتوراق حیاتا گئچیلدیگی و وحشی حیوان سالدیریلارینا قارشی اورتاق ساوونما ائدیلدیگی بیر مرکز چاتال‌هؤیوک. میلاددان اؤنجه‌کی دؤورده هیتیتلر، فریجیلر، لیدیالیلار، پرسلار، مقدونیه‌لی‌لر حؤکم سورموش قونیادا. آردین‌دان روما و عرب حاکمیتی یاشانمیش. تورکلرین آنادولویا گیرمه‌سین‌دن سونرا سلجوقلو دؤولتینین، سونرا دا عثمانلی ایمپراتورلوغونون تورپاقلارینا قاتیلمیش. قونیا بو گون ائو صاحب‌لیگی ائتدیگی بیر چوخ مدنیتین فرق‌لی اۆرتیم و یاپیم تکنیکی ایله میدانا گتیردیگی صنعت اثرلرینی ساخلاییر. میلاددان اؤنجه۳۵۰۰لره عاید قوتسال یاپی قالیقلارینا راست گلمک مومکون. آیریجا آنادولوداکی ان اسکی خریستیان مسکونلاشماسی و ان اسکی کلیسه‌لر ده یئنه بو بؤلگه‌ده.
سلجوقلو دؤولتینین باشکندی اولان قونیا، عینی زامان‌دا ایپک یولو اوزرین‌ده‌کی اؤنملی بیر یاشاییش و تیجارت مرکزی ایدی. اسلام مدنیتینه عاید یوزلرله اثرین یئر آلدیغی، دؤورون مشهور اسلام عالیملرینین یئتیشدیگی و یئرلشدیگی بیر شهر ایدی. قونیا، آنادولو سلجوقلو دؤولتینی ایداره ائتمیش سلطانلارین، وزیرلرین، اؤنملی تاریخی شخصیتلرین توربه‌لرینی، وقف اثرلرینی، مسجیدلری، مدر‌سه‌لری باریندیریر. ۱۳.جو یوزایلین ان اؤنملی شاعر، عالیم، ایلاهیات‌چی و متصوفلریندن اولان مؤولانا جلال‌الدین رومینین ده یاشادیغی و توربه‌سینین اولدوغو شهر. مؤولانا؛ اؤلومونون اوزرین‌دن یوزلرجه ایل گئچمه‌سینه باخمایاراق بو گون بوتون دونیادا هله دوشونجه‌لری ایله خاطیرلانیر، قبول گؤرور و اثرلری اونلارجا دیل‌ده اوخونماغا داوام ائدیر. مؤولانا توربه و موزه‌سی بو باخیمدان بؤیوک اؤنم داشیماق‌دا. مؤولوی درگاهینی دا احاطه ائدن موزه ساحه‌سین‌ده، درویشلرین یئرلشدیگی مکانلاری، سماع‌خانانی، شب عروس حوووضونو، مسجدی گؤرمک مومکون. موزه‌ده آیریجا مؤولانا و مؤولویلیگه عاید اثرلر ایله ال یازماسی کیتابلار، لؤوحه‌لر، قندیللر و موسیقی آلتلری سرگیلنمکده.
مؤولانا موزه‌سین‌ده بیر ده اختصاص کیتابخاناسی وار. کیتابخانادا سلجوقلو، قارامان‌اوغوللاری و عثمانلی دؤورونه عاید دؤرد مین‌دن چوخ ال یازماسی اثر وار. بو اثرلرین هامی‌سی دیجیتال اورتاما کؤچوروله‌رک آراشدیرما‌چیلارین ایستیفاده‌سینه سونولموش.
قونیا مسجیدلر، خانلار و مدرسه‌لر شهری... مؤولانانین کؤنول دونیاسین‌دا بؤیوک دیگیشیک‌لیکلره یول آچان اسلام عالیمی شمس تبریزی آدینا تیکدیریلن مسجد، ایپلیک‌چی مسجدی، شراف‌الدین مسجدی، شیخ صدرالدین قونوی مسجدی، علاالدین مسجدی، عزیزه مسجیدی ان اؤنم‌لیلری. بو مسجیدلرین هر بیرینین اؤزل کیفیتلری وار. قاراتای مدر‌سه‌سی، اینجه میناره مدر‌سه‌سی، سیرچالی مدرسه، اوبروک خان، زازادین خان، پاموق‌چو خان، صاحب آتا کولیه‌سی، محمد پاشا کولیه‌سی؛ قونیادا اولان و سیزی گئچمیش عصرلره آپاراجاق تاریخی اثرلردن یالنیز بیر نئچه‌سی‌دیر.
قونیا، آوروپانین ان بؤیوک تروپیک کپنک باغچاسینا صاحب. تخمیناً ۸۰۰۰ مربع مترلیک باغچادا یارادیلان طبیعی موحیط‌ده، اونلارجا کپنک و تروپیکال بیتکی نؤوعو وار. قونیا-سیلله ارکن خریستیان‌لیق دؤورونون اؤنملی بیر مرکزی. آنادولوداکی ایلک کلیسه‌لردن اولان، ۳۰۰لو ایللرده اینشا ائدیله‌ن آیا ائلئنا کلیسه‌سی بورادادیر. قونیا بوتون بو اؤزللیکلریله ایلده اوچ میلیون‌دان چوخ یئرلی و خاریجی توریست آلیر.
قونیایا گئتسه‌نیز، مؤولانا مدنیت مرکزین‌ده سماع گؤستریسی ایزله‌مه‌دن، علاالدین تپه‌سینه گئتمه‌دن، اتلی اکمک، بامیا شورباسی، فیرین کبابی کیمی لذت‌لی یئمکلرینی دادمادان دؤنمه‌یین.
