تورکیهنین کولتور خزانهسی (22)
هاتای ائلینین مرکزی اولان آنتاکیا تاریخ بویونجا بیر چوخ اهمیتلی حادثهیه شاهیدلیک ائتدی. بؤیوک ایسکندر بورادا فارسلارلا ائتدیگی و قازاندیغی ایسوس ساواشییلا مزوپوتامیا و مصری فتح ائتدی
تورکیهنین کولتور خزانهسی (22)
تورکیهنین کولتور خزانهلرینده بو هفته سیزلره بیر زامانلار موقتی بیر مدت موستقیل بیر دولت اولان و ائدیلن رفراندوم نتیجهسینده تورکیهیه قاتیلان هاتای ویلایتده تانیداجاغیق.
--------
هاتای اؤلکهمیزین ان جنوبوندا یئر آلیر. بیر طرفدن سوریهیه بیر طرفدن آغدنیزینه آچیلیر. سوریه تورپاقلاریندا دوغان و هاتایی بویدان بویا کئچهرک آغدنیزینه چاتان آسی چایی تاریخ بویونجا بؤلگهیه ریفاه و بوللوق تقدیم ائتدی. هاتای بؤلگهسی بیر چوخ مدنیته عایید اثرلره صاحب. تورکیهده ایستانبولدان سونرا مدنی، دینی، اتنیک زنگینلیگین ان بول اولدوغو یئرلرین باشیندا گلیر. مسجیدده گلن اذان سسی یعنی باشینداکی کیلسه و سیناگوگدا گلن سسلرله قاریشیر. یونیسکو طرفیندن باریش شهری اولاراق قبول گؤرور. مختلیف مدنیتلرین باریش و دینجلیک ایچریسینده یاشاماسینا گؤزل بیر نومونه اولماغی داوام ائتدیریر.
---------
هاتای ائلینین مرکزی اولان آنتاکیا تاریخ بویونجا بیر چوخ اهمیتلی حادثهیه شاهیدلیک ائتدی. بؤیوک ایسکندر بورادا فارسلارلا ائتدیگی و قازاندیغی ایسوس ساواشییلا مزوپوتامیا و مصری فتح ائتدی. داها سونرا روما حاکمیتینه کئچن آنتاکیا مزوپوتامیا، فیلیسطین و سوریهیه کئچیشی تامین ائدن اهمیتلی تیجارت مسیری اوزرینده یئر الماسی ایله و تیجارتین اینکیشافییلا بؤیوک ثروتلره صاحب اولدو. خریستیانلیغین ایلک ایللرینده قودسدن دونیایا داغیلان حواریلردن سن پییر ایلک قایا کیلسهسینی آنتاکیادا قوردو. دونیادا حضرتی عیسییا ایمان گتیرنلر ایلک دفعه بورادا خریستیان آدینی ایستیفاده ائتدی. سن پییر کیلسهسی ایندیکی واختدا ده خریستیان دونیاسی اوچون بیر حج مرکزی اولماغی داوام ائتدیریر. قوراندا یاسین سورهسی ده آنتاکیادان بحث ائدیر. حضرت عیسینین حواریلردن یونوس و یحیا (یوحننا) آنتاکیایا گلیر. الله اینانجینی یایماغا باشلاییرلار، ائلچیلره شهر خالقی اینانماز. بورادا اونلارا ایلک اینانان اینسان حبیبی نجّار آدلی بیر آنتاکیالی اولور. اوزون ایللر چکدیگی خستهلیک اوچون او زامان اینانیلان روما دینینه عایید تانریلارا بیر چوخ هدیه تقدیم ائتدیگینی اما بیر جور یاخجیلاشمادیغینی سؤیلهیر. حواریلرین دعاسی ایله و اللهین ایزنی ایله درحال یاخشیلاشار. اونلارین دوغرو سؤیلهدیگینه اینانار و ایمان ائدر. قوراندا آنتاکیالیلارین اللهین دینینه کئچمهلری اوچون ایکی ائلچی گؤندریلدیگی، آنتاکیالیلارین ائلچیلره اینانمادیغی و اونلاری اؤلومله تهدید ائدهرک قوودوغو یازارلار. حبیبی نجّار بو حادثهنی گؤرونجه قاچاراق گلیر. حواریلرین الله دینینه ائتدیکلری چاغیریشا ایمان ائدیلمهسی لازیم اولدوغونو سؤیلهیر. آنتاکیالیلار ایچلریندن بیری اولماسینا باخمایاراق ائلچیلری بوراخیب اونو شهید ائدیر. ایسلامیتین گلیشینه قدر اعتبارلی دین اولان خریستیانلیغین ایلک شهیدلریندن اولور. قوراندا یاسین سورهسینده آنتاکیادا یاشایان و ایلاهی بویروغو رد ائدن بتپرستلرین بیر سیها- چوخ گوجلو سس دالغاسی یوخ ائدیلدیگی کؤچورولور. داها سونرا یونوس و یحیا آدلی حواریلر ده حبیبی نجّارین یانینا باسدیریلار. عربلر 636دا آنتاکیانی فتح ائدینجه بورا آنادولونون ان اسکی مسجیدی اولان حبیبی نجار مسجیدینی ائتدیرر. بو مسجیدین باغچاسیندا اولان توربهده یاتان حواریلر هم خریستیانلار، هم مسلمانلار اوچون مقدس کسلردیر.
----------
1. دونیا ساواشیندا عثمانلی ایمپراتورلوغو مغلوب هاتای و اطرافی سوریه ایله بیرلیکده فرانسیز حاکیمیتینه کئچر. 1921-جی ایلده آنکارا حکومتی و فرانسا آراسیندا ایمضالانان آنکارا راضیلاشماسییلا هاتایدا ان چوخ تورک اهالینین یاشادیغی ایسکندرون بؤلگهسی سوریهدن آیری توتولدو. 1936-جی ایلده فرانسا سوریه و لبناندان چکیلدیگینده هاتای سوریه رهبرلیگینه کئچمک عذره ایدی. بو وضعیتدن بؤیوک ناراحاتلیق دویان آتاتورک "40 عصرلیک تورک یوردو خاریجی اله وئریلهمز" دئیهرک وضعیته مداخیله ائتدی. 1936-جی ایلده فرانسایا وئریلن نوتایلا سوریه کیمی هاتایین دا موستقیللیگینه قوووشماسی ایستندی. اوزون دانیشیقلاردان سونرا 1938-جی ایلده هاتای تورک جمهوریتی قورولدو. آردیندان 1939-جو ایلده تورکیه ایله بیرلشمه قراری آلیناراق بو موستقیل دولت تاریخ صحنهسیندکی یئرینی آلدی.
.......
هاتایداکی مدنی سرمایهلری سایماقلا بیتیره بیلمریک. روما دؤورونده سرمایه دارلارین ویللالارینین اولدوغو نظامیه تاریخی آدییلا دافنه، غربه دوغرو قیوریلاراق گئدن آسی چایینی و اوزاقدان آغدنیزینی گؤرن اهمیتلی بیر یاشاییش مرکزیدیر. بورادان گون باتماسینی سئیر ائتمنین دادینا دویولماز. نیظامیهده ائدیلن قازینتیلاردا دونیانین ان زنگین موزایک نومونهلری چیخاریلمیشدیر. بو موزایکلر ایندی آنتاکیا آرکئولوژی موزهسینده سرگیلنیر. هر ایل یئنی قازینتیلارلا اورتایا چیخاریلان اثرلرله داها دا زنگینلشن آرکئولوژی موزهسی دونیانین دؤرد بیر یانیندان زیارتچیلری چکیر.
--------
هاتای و آنتاکیا ساخلادیغی فرقلی مدنیتلردن نومونهلری قاریشدیرما بنزرسیز موتفاغییلا دا دقت چکر. هاتای کونهفسی مذاکیرهسیز اؤلکهمیزین ان اهمیتلی تاتلیلارینداندیر. خصوصیله یاز آیلاریندا 24 ساعات خیدمت وئرن کونهفجیلر تاپابیلرسینیز. گونون بیرینده بیر-بیریندن گؤزل مدنی زنگینلیکلره صاحب هاتایی و آنتاکیانی سیّالیق دیلییله.
ایلگیلیلی خبرلر
تورکیهنین کولتور خزانهسی (51)
سارنیج 527-565 تاریخلری آراسیندا شرق روما ایمپراتورو اولان 1. ژوستینین دؤورونده ائدیلدی