تورکیهنین کولتور خزانه‌سی (50)
مو‌لانا، 13. یوز ایلین بؤیوک فیلوسوف، موتفککیر، دین آدامی و شاعیرلریندن‌دیر. دونیادا آنادولودان ان چوخ بیلینن آدام‌لاردان‌دیر
تورکیهنین کولتور خزانه‌سی (50)
گل، گل، نه اولورسان اول یئنه گل،
ایستر کافیر، ایستر مجوسی،
ایستر بوتا تاپینان کئچمک یئنه گل،
بیزیم درگاهیمیز، اومیدسیزلیک درگاهی دئییل،
یوز دفعه توبه‌نی پوزموش اولسان دا یئنه گل ...
بو تورپاغا سئوگی‌دن باشقا بیر توخوم اکمئییک،
بو ترته‌میز تارلایا سئوگی‌دن باشقا بیر توخوم اکمئییک بیز ...
بری گل، بری! داها دا بری! نیجه بو یول ووروجولوق؟
مادام کی سن من‌سین، من ده سنم، نیجه بو سن‌لیک من‌لیک ...
اؤلوموموزدن سونرا مزاریمیزی یئرده آرامایینیز!
بیزیم مزاریمیز عاریف‌لرین گؤنوللرینده‌دیر.
مو‌لانا جلال الدین رومی
------
تورکیهنین کولتور خزانه‌لرینی بو هفته سیزلره آنادولونون مدنیت ذیروه‌لرین‌دن مو‌لانا جلال الدین رومی‌نین کونیادا اولان توربه موزهسینی تانیداجاغیق. مو‌لانا، 13. یوز ایلین بؤیوک فیلوسوف، موتفککیر، دین آدامی و شاعیرلریندن‌دیر. دونیادا آنادولودان ان چوخ بیلینن آدام‌لاردان‌دیر. 1207ده اورتا آسیادا بلخ شهرینده دوغولوب 1273-جی ایلده کونیادا وفات ائتمیش‌دیر. 17 دسامبر تاریخی اونون اؤلوم تاریخی‌دیر. وصیتی اوزرینه بو تاریخ بیر اؤلوم ایلدؤنومو اولا‌راق دئییل سئوگی‌لی اولا‌راق تعیین الله‌ا قوووشما گونو، شب عروس اولا‌راق قید اولونار. بو گئجه دونیانین دؤرد بیر طرفین‌دن هر دین‌دن، هر دیل‌دن مین‌لرله اینسان کونیایا گله‌رک بورادا تشکیل ائدیلن شب عروس مراسیم‌لرینه قاتیلیر.
-------
مو‌لانانین آتاسی "عالیم‌لرین سلطانی محمد ولد-دی. اونونلا بیرلیکده آنادولویا گلدی. اونون درگاهیندا تحصیلینی تاماملایا‌راق آتاسی‌نین اؤلومون‌دن سونرا آنادولو سلجوق‌لو سلطانی‌نین امری و آتاسی‌نین وصیتی یؤنونده درگاهین باشینا کئچدی. اینسان سئوگی‌سینی اوجالددیغی مثنوی آدلی اثریله دونیا سویه‌سینده تانیندی و سئویلدی.
--------
مو‌لانانین یاشادیغی دؤور آنادولو سلجوق‌لاری‌نین مونقول باسقیسی آلتیندا یوخ اولماغا باشلادیغی بیر دؤور اولدو. گوجونو، زنگین‌لیگینی و سیاسی گله‌جگینی ایتیرمکده اولان بیر دولت قورولوشو ایچینده یاشادی. آنادولو اینسانینی معنوی یؤندن درین‌دن تأثیر ائتدی، زامانین دینی اؤندرلری ایله یاخین ایلیشکی‌لر و دوستلوق‌لار قوردو. سلجوق‌لو سلطان‌لاری‌نین سارایی‌نین یانی باشیندا اولان سارایین اهمیت‌لی بیر بؤلومو اولان گول باغچاسی مو‌لانانین آتاسینا درگاه اولا‌راق ایستیفاده ائتمسی اوچون هدیه ائدیلمیشدی. مو‌لانا 1273-جی ایلده بو اسکی گول باغچاسی‌نین ایچینه تیکیلن توربه‌یه باسدیریلدی. سلجوق‌لو دؤورو توربه فورماسیندا اولان بو قورولوش یاشیل توربه اولا‌راق دا خاطیرلانار. توربه مولوی درگاهی‌نین اورتاسیندا یئر آلیر. دؤرد بؤیوک آیاق اوزرینه تیکیلن توربه ایچری‌دن قوببه‌یه مالیک‌دیر . چؤل‌دن دیلیم‌لی بیر چوخ بوجاق‌لی گؤرونوشونه صاحب توربه‌نین خاریجی دیوارلاری یاشیل رنگ‌لی سلجوق‌لو چینیلریله اؤرتولودور. قوببه‌نین اوستو خاریج‌دن بؤیوک بیر کولاهلا اؤرتولموش‌دور. بورایا زامانلا مولوی طریقتی‌نین مشهورلاری و مو‌لانانین یاخین‌لاری دا باسدیریلمیش‌دیر. هر توربه‌ده اولدوغو کیمی ایندیکی واختدا گزیلن بؤلومده توربه‌نین مسجید اولا‌راق تعیین اولونان بؤلومونده چوخ بؤیوک صاندیقا‌لاری و مولویلیغه عایید اثرلر، بؤیوک یازی‌لار سرگیلنمکده‌دیر. عثمانلی پادیشاهلاریندان بیر چوخونون مولوی اولماسین‌دان اؤتورو توربه و اطرافیندا علاوه‌لر سوره‌رک. گونوموزدکی گئنیش حالینی آلمیش‌دیر. یانی باشیندا عثمانلی دؤورون‌دن بیر مسجید یئر آلیر موزه‌یه علاوه بینا‌لاردا مولوی طریقتی‌نین پالتارلاری، ایستیفاده ائدیلن آلت‌لری مو‌لانانین مثنویسینده بؤلوملر تاماشاچی‌لارین بینمه‌سینه تقدیم ائدیلیر.
--------
تورکیهنین توپقاپی سارایین‌دان سونرا ان چوخ زیارت ائدیلن موزه‌سی اولان کونیا مو‌لانا موزه‌سی پول‌سوز اولا‌راق خیدمت وئریر. ایستانبول و آنکارا‌دان یوکسک سرعت‌لی قاتار سرویسی ایله قیسا سورن بیر سفرله کونیایا اولاشیلابیلیر. تورکیه زیارتینیزه مدنیتیمیزین اهمیت‌لی ائلمنت‌لرین‌دن مو‌لانا موزهسینی و کونیادا اولان آنادولو سلچوق‌لولارینا عایید بیر چوخ مدرسه، توربه، مسجیدی یئرینده گؤرمه‌نیز دیلییله.
ایلگیلی‌لی خبرلر
تورکیهنین کولتور خزانه‌سی (51)
سارنیج 527-565 تاریخ‌لری آراسیندا شرق روما ایمپراتورو اولان 1. ژوستینین دؤورونده ائدیلدی
