تورکیهنین کولتور خزانهسی(30)
وان شهری تاریخده بو بؤلگهده حؤکم سورن بؤیوک بیر کراللیق اولان اورارتولارین دا باشکندی عینی زاماندا
تورکیهنین کولتور خزانهسی(30)
تورکیهنین کولتور خزانهلرینی بو هفته سیزلره تورکیهنین اهمیتلی مدنیت مرکزلریندن شرق آنادولونون مرکزینده یئر آلان وانی تانیداجاغیق. اؤلکهمیزین ان بؤیوک گؤلو شرقده وار. اوخشار آدی داشییان وان شهری ده گؤلون شرق ساحلینده. بؤلگه اینسانینین دئییمیله وان دنیزی.
---------
وان شهری تاریخده بو بؤلگهده حؤکم سورن بؤیوک بیر کراللیق اولان اورارتولارین دا باشکندی عینی زاماندا. اورارتولار، تیجارت یوللاری اوزرینده بیر قووشاق نقطهسی اولان وانی قالاسینین ساوونما خصوصیتلری اوزوندن و موقعیتیندن اؤتورو باشکند ائتدیلر. بوگونکو عراق مرکزلی آسورلو تاجیرلر احتیاج دویدوقلاری خام ماللاری ساتین آلماق اوچون اوزون مسافهلره گئدیردی. بؤلگهلر کراللیقلار چیخاردیقلاری خام ماللاری اونلارا گؤره یوکسک تکنولوژی محصولو ماللارلا دییش توققوش ائدیردی. تکنولوژییه صاحب اولان آشورلار بو تیجارتدن بؤیوک پای آلیردی شوپههسیز. هیتیت ایمپراتورلوغونون اورتا آنادولو مرکزلی تورپاقلاری دؤرد بیر یانا یاییلارکن شرقده قارشیلارینا اورارتولار چیخدی. میلاددان اؤنجه 9. یوز ایلده دولتلشن اورارتولار، شرقی آنادولو، ارمنیستان و ایرانین بیر حیسهسینی احاطه ائدن و جنوبا دوغرو دا اوزانان گئنیش بیر جوغرافیایا صاحب اولدولار. یوزدن چوخ قاله ایله ساوونما گوجلندیردیلر. وان قالاسی مرکزلری ایدی. بورادا و اطراف قالا شهرلرده بؤیوک بیر مدنیت اورتایا چیخاردیلار. بیر افسانهلرینه گؤره اؤلکهده قیتلیق چیخار. کرال ایکی اوغلوندان بیرینه خالقین یاریسینی یانینا آلاراق غربه دوغرو کؤچ ائتمهسی امرینی وئریر. ایزمیره قدر گئدن بو شاهزاده بورادا تیکدیردیگی گمیلرله ایتالیایا گئدیر و اورانی یورد ائدر. ایتالیادا رومالیلاردان اوّل یاشایان اتروسکلر اورارتولار داوامی اولدوغو دوشونولمکدهدیر. اورارتولار حاکم اولدوغو جوغرافیادا اله کئچن آرکولوژی تاپینتیلارلا اتروسکلر اثرلری بؤیوک بنزرلیک گؤستریر ..
-----------
وان گؤلو و اطرافی بیر چوخ تاریخی و مدنی اثره ائو صاحبلیگی ائدیر. وان قالاسی موطلق گؤرولمهسی لازیم اولان یئرلرین باشیندا گلیر. کؤرپولر، یول گذرگاهینداکی خانلار بیر طرفدن نقلیاتی آسانلاشدیرارکن بیر طرفدن ده اینسانلارا گوونلیک تامین ائدیردی. وان گؤلو ساحلینده بیر تپهده یئر آلان وان قالاسیندان گون باتماسینی ایزلمهنین کیفینه دویولماز. گؤز آلا بیلدیگینجه اوزانان گؤل منظرهسی گونشین باتیش رنگلریله سانکی بیر تابلونو خاطیرلادار. وانا قدر چیخمیشدیر دونیادا سایسیز پیشیک یاریشماسیندان بیرینجیلیکله دؤنن وان پیشیگینی گؤرمهدن دؤنمیین. دوم آغ بیر رنگه صاحب بو پیشیگین بیر گؤزو آیری دیگر گؤزو آیری رنگده. گؤزلریندن بیری وان گؤلونون ماویلیگینده دیگری کهربا رنگینده . وان شهری یاخینلاریندا اولان چالدیران شلالهسی بیر دوزلوکدن کؤپوک کؤپوک سولارین آشاغی دوشدوگو محتشم بیر یئر. اوزرینده اولان بیر خیلی یوکسک آسما کؤرپو سیزی تاریخ ایچینده چوخ اسکیلره آپارا بیلر .
وان گؤلونون سولاری سودا نیسبتینین سیخلیغییلا بیلینیر. اگر یاز آیلاریندا بورا گئتسهنیز مایونوزو یانینیزدا ساخلاماغی اونوتمایین. سودا نیسبتی اوزوندن سودا اوزرکن صابونلا یویونورموشسونوز حیسینه قاپیلا بیلرسینیز. وان گؤلونه تؤکولن شیرین سو بؤلگهلرینده وان گؤلونه خاص بیر بالیق نوعو اولان اینجی کفال ده موطلق تادیلماسی لازیم لذتلردن. بیر آز کیلچیکلی اولماسینا باخمایاراق گؤزل پیشیریلدیغینده او قیلچیقلاردان اثر قالمیر. وان بؤلگهسینده اورارتولار دؤوروندن بری بیلینن و ذؤوقله مصرف ائدیلن اوتلو پنیر ده موطلق دادینا باخیلماسی لازیم اولان لذتلردن. ایچینه قویولان قورو اوتلاردان اؤتورو بو آدی داشییان بو پنیرین اورارتو دؤورونده بئله یوزلرله نوعو بیلینیر و ذؤوقله مصرف ائدیلیردی. وان یاخینلاریندا اولان آکدامار آداسی و بوراداکی تاریخی موناستیر کیلسهسی ده بؤلگهنین ان ماراق چکن موطلق گئدیب گئزیلمسی لازیم اولان یئرلریندن. حککاری یولو اوزرینده اولان تاریخی هوشاپ قالاسی ده تام بیر اورتا عصر قالا گؤرونوشونده. هارداسا تامامیله ساغلام چوخ گؤزل بیر قالا، بؤلگهیه گلن توریستلرین ماراغینی چکمگی داوام ائتدیریر. گلهجک هفته بیر باشقا پروقرامدا تکرار سیزلرله اولماق دیلییله ...
ایلگیلیلی خبرلر
تورکیهنین کولتور خزانهسی (51)
سارنیج 527-565 تاریخلری آراسیندا شرق روما ایمپراتورو اولان 1. ژوستینین دؤورونده ائدیلدی