تورکیه نین کولتورخزانه‌سی(31)
اخلاط، تاریخی مالازگیرت ظفرین‌دن اوّل 1055-جی ایلدن اعتباراً تورک حاکمیتینده
تورکیه نین کولتورخزانه‌سی(31)
تورکیهنین کولتور خزانه‌لرینی بو هفته سیزلره تورکیهنین شرقینده وان گؤلونون ساحلینده یئر آلان بیتلیس-ه باغلی تاریخی اهلات/ اخلاط شهرینی تانیداجاغیق. اخلاط، مالازگیرت ظفری اوّلی تورک حاکمیتینه کئچن بیر بؤلگه. تاریخی پروسه ایچینده قبه الایسلام، ایسلام دونیاسی‌نین ان بؤیوک شهرلرین‌دن بیری اولا‌راق تعیین اولونان محتشم گؤزل‌لیکده بیر یئر. وان گؤلونه یونگول یوکسه‌لن بیر اوچورومدان باخیر.
-------
اخلاط، تاریخی مالازگیرت ظفرین‌دن اوّل 1055-جی ایلدن اعتباراً تورک حاکمیتینده. سلطان آلپارسلان آنادولونون فتحی نتیجه‌لنن مالازگیرت ساواشی اوچون اوردولارینی بورادا ییغدی و چوخ یاخین‌داکی مالازگیرته حرکت ائتدی. ایندیکی واختدا بیر موزه شهر خصوصیتی داشییان اخلاط، تورکلوگون آنادولودا حاکمیتی‌نین تاپوسودور. 13-14.یوز اللرینده 300 مینه چاتان اهالیسیله ایسلام دونیاسی‌نین ان اهمیت‌لی شهرلرین‌دن بیری اولا‌راق تانینیر. بو بؤیوکلوکله دوغرو متناسیب اولا‌راق اخلاطدا اولان 5 سلجوق‌لو قبیریستان‌لیغی‌نین هر بیری آنیتسال خصوصیت‌لر داشییان مین‌لرله صنعت اثری خصوصیتینده مزار داشینا صاحب. بون‌لارین بیر چوخو پروفسور دوکتور بئیهان قاراماغارا‌لی طرفین‌دن اوخونا‌راق گونوموز تورکجه‌سینه قازاندیریلمیش وضعیتده. هر مزار داشیندا هنده‌سی، بیتکی منشأ‌لی و یازییلا عبارت بزک ائدیلمیش. بو مزار داش‌لاریندا یاتان آدامین حیاتیندا ائتدیگی ایشلرله علاقه‌دار ماراق‌لی معلومات‌لار دا یئر آلیر. سانکی داشی دانتئل ایشلر کیمی ایشله‌ین سلجوق‌لو اوستا‌لاری هنرلرینی داشا عکس ائتدیرمیش. مزاردا یاتان آدامین خصوصیت‌لری ایفاده ائدیله‌رک گلن کئچن‌لره اونون اوچون خیر-دعا ایستنمیش. شهرین ایره‌لی گلن‌لری اوچون ائدیلن بؤیوک توربه‌لر ده وار. ان مشهورلاری امیر باییندیر اولان بو توربه‌لرده سلجوق‌لو معماریسی‌نین نادیر خصوصیت‌لری داشی سانکی جانلاندیرمیش وضعیتده. ان ماراق‌لی توربه‌لری بیری ایسه اوستا شاگیر توربه‌سی. شاگیرد چیراق معناسیندا ایستیفاده ائدیلیر. بیر توربه اوستاسی‌نین یانیندا چالیشان چیراغی اوستاسین‌دان داها عقل‌لی و باجاریق‌لی. اوستاسی‌نین ائدجگی بیر توربه موضوعسوندا موذاکیره ائدیرلر. توربه‌یه ائتدیرن شهرین ایره‌لی گلنی ایکی‌سینه ده بیر توربه ائتدیرمه ایشی وئریر. بیر نوع یاریشا چئوریلیر توربه تیکمسی. شاگیردین ائتدیگی توربه گرک ایشچی‌لیگی ایسترسه ده معماری و هنری خصوصیت‌لری ایله اوستاسین‌دان اوستوندور. 13.یوز ایلده ائدیلن بو ایکی توربه‌دن اوستانین ائتدیگی ایندیکی واختدا خارابا حالیندا. اوستا شاگیردین یاپدیغییسا ساپساغلام آیاقدا دایانیر. اخلاطدا اورتا آسیا منشأ‌لی تورک اؤلو باسدیرما عنعنه‌لری‌نین داوام ائتدیریلدیگینی گؤروروک. آکیت آدی وئریلن گورقان طرزی، هامیسی تورپاق آلتیندا اولان توربه‌لر سیخ‌لیقلا قارشیمیزا چیخیر. بو آکیت‌لاردا اورتا آسیادا دا نومونه‌لری گؤرولن مومیالانمایلا قارشی‌لاشیریق. سلجوق‌لو دؤورونده بؤیوک اهمیت قازانان اخلاط، آنادولو جوغرافیاسی‌نین دؤرد بیر یانینا یئتیشدیردیگی بؤیوک اوستا‌لاری و صنعتکارلاری گؤندرمیش. آنادولونون موختلیف یئرلرینده کونیا‌دان، سیواس دیوریغی‌یه قدر اخلاط‌لی اوستا‌لارین ایزلرینی گؤرمک مومکون‌دور. عثمانلی دؤورونده ده اهمیتینی قوروموش. سلطان سلیمان قانونی‌نین ائتدیردیگی قالایا و وزیرلرین‌دن ایسکندر پاشا طرفین‌دن ائتدیریلن محتشم بیر مسجیده ده ائو صاحب‌لیگی ائدیر.
-------
اخلاط یونئسکو دونیا مدنی میراث سیاهی‌سینا گیرمه‌سی اوچون مراجعت ائدیلمه‌سی دوشونولن اهمیت‌لی یئرلردن بیری. اخلاطین جنوبوندا بؤیوک بیر وولکانیک داغ اولان نمرود وار. آدییامانداکیله قاریشدیرماماق لازیم‌دیر. نمرود یانارداغی بؤیوک بیر کراتره صاحب. بو کراتر ایچینده اولان حوووضلاردا ایستی و سویوق اولان‌لاری یان-یانا وار. ایستی حوووضدان چیخیب اؤزونوزو سویوق حوووضا آتابیلیرسینیز. خصوصیله توریست‌لرین بؤیوک ماراغینی چکیر بو حوووضلار. کوکورد چیخان یانارداغ باجا‌لارینا خسته‌لیک معا‌لیجه‌سی اوچون گلن‌لر ده وار البته. اخلاطین قوزئیینده ایسه وان گؤلو حؤوزه‌سی‌نین ان یوکسک داغی اولان سوپهان داغی وار. سانکی بو ایکی داغین گؤزتچی‌لیگینی ائتمگی داوام ائتدیردیگی اخلاط آنادولودا تورک وارلیغی‌نین ان بؤیوک تأمیناتی اولماغی داوام ائتدیریر.
---------
بیر-بیرین‌دن گؤزل مین‌لرله مزار داشییلا سای‌سیز توربه‌سیله شرق آنادولودا توریست‌لرین ان چوخ ماراقلاندیغی یئرلردن اخلاطی گونون بیرینده گزمنیز دیلییله. اؤنوموزدکی هفته تورکیهنین مدنیت خزانه‌لرین‌دن بیر باشقا مدنیت وارلیغی سیزلرله بیرلیکده اولاجاغیق.
ایلگیلی‌لی خبرلر
تورکیهنین کولتور خزانه‌سی (51)
سارنیج 527-565 تاریخ‌لری آراسیندا شرق روما ایمپراتورو اولان 1. ژوستینین دؤورونده ائدیلدی
