تورکیه‌نین کولتور خزانه‌سی (34)
سینوپ روما و شرقی روما حاکمیتین‌دن سونرا 1085ده آنادولویا گلن تورک‌لر طرفین‌دن فتح ائدیلدی. بؤلگه‌نین قارا دنیز تیجارتین‌دکی اهمیتینی قاورایان آنادولو سلجوق‌لولاری بورانی اللرینده توتماق اوچون خصوصی اهمیت وئردی‌لر
تورکیه‌نین کولتور خزانه‌سی (34)
تورکیه‌نین مدنیت خزانه‌لرینی بو هفته سیزلره آنادولونون ان قوزئیینده یئر آلان و طبیعتی ایله، تاریخی بؤیوک ماراق گؤرن سینوپ ویلایتینی و ساخلادیغی معدنی خزینه‌لری تانیداجاغیق.
---------
سینوپ قارا دنیز ساحلینده یاریمادانین آنا قارایلا گؤروشدوگو نقطه‌ده یئر آلیر. تورکیه‌نین قارا دنیز ساحل‌لری‌نین تام اورتاسیندا اولان سینوپ عینی زاماندا شمالا اوزانان ان اوج بورونا دا صاحب. جوغرافی قورولوشو و طبیعی قورونان بیر لیمان اولماسی سببین‌دن آنتیک دؤورده کولونیا اولا‌راق قورولدوغو دوشونولور. قورولوشو ایله علاقه‌دار مختلیف افسانه‌لر ده وار. چاپکینلیغییلا تانینان تانری زئوس ایرماق تانری‌سی‌نین قیزی اولان گؤزل‌لیگی دیل‌لره داستان سینوپ‌یه عاشیق اولور. اونون الین‌دن بیر جور قورتولا بیلمیه‌جگینی آنلایان گنج قیز اؤزعفّتینی قوروماق اوچون زئوسلا بیر بازارلیغا گیریشیر. اونون عفت‌لی رفتارین‌دان ممنون قالان زئوس اونو قارا دنیز ساحلین‌دکی سینوپا گتیریب بوراخار. بورادا سینوپ‌ون آدینی داشییان شهر مدت ایچینده اینکیشاف ائدر. هیتیت دؤوروندن اعتباراً مسکونلاشمانین اولدوغو بیلینن بؤلگه بیر چوخ ال دییشدیریر. بؤیوک گوجلرین آرا‌لارین‌داکی ساواشلارا و ایشغال‌لارا صحنه اولور. بورایا گلن مشهور قوموتانلاردان بیری ده بؤیوک ایسکندردیر. آنتیک دؤورون مشهور موتفککیری سینوپ‌لو دیوژن‌ی زیارت ائدر. اونون بیر چللگ‌ین ایچینده یاشادیغینی گؤرن بؤیوک ایسکندر اوزولور و اونا "دیله من‌دن نه دیلرسن" دئیه سس‌لنیر. ایشیغینین قاباغینی کسمسیندن ناراحات اولان دیوژن‌ین جوابی ماراق‌لی‌دیر: "کؤلگه ائتمه باشقا لوطف ایستمم!" دیوژن مدنیتی رد کینیک دوشونجه‌یه مالیک‌دیر. مدنیتین ایچینده مدنیت‌دن اوزاق یاشاماغا چالیشمیش‌دیر.
---------
سینوپ روما و شرقی روما حاکمیتین‌دن سونرا 1085ده آنادولویا گلن تورک‌لر طرفین‌دن فتح ائدیلدی. بؤلگه‌نین قارا دنیز تیجارتین‌دکی اهمیتینی قاورایان آنادولو سلجوق‌لولاری بورانی اللرینده توتماق اوچون خصوصی اهمیت وئردی‌لر. شهر مرکزینده اولان کیمی کیلسه‌لر مسجید اولا‌راق ایستیفاده ائدیلرکن علاالدین مسجیدی باشدا اولماق عذره بیر چوخ ایسلامی اثر ده تیکیلدی. یاریمادانین ایکی یانیندا اولان کوی‌لار گمی‌لر اوچون طبیعی بیر لیمان خصوصیتی داشییار. سلجوق‌لولار دؤورونده الدن کئچن قالا عینی زاماندا لیمان اولا‌راق دا خیدمت وئرمکده ایدی. اوزون ایللر لیمان خصوصیتی سورن قالا عثمانلی ایمپراتورلوغونون سون دؤورونده قالا حبس‌خانا اولا‌راق ایستیفاده ائدیلمه‌یه باشلادی. آنادولونون "آلکاتراز"ی اولا‌راق سسلنیلن حبس‌خانانین ایکی طرفی یوکسک سور دووارلارییلا و دنیزله احاطه اولونور. قالا کیمسه‌نین قاچا بیلمیه‌جگی دوشونولن بیر حبس‌خانا ایدی. حبس‌خانا اولا‌راق ایستیفاده ائدیلدیگی مدتده یالنیز ایکی نفرین قاچما باشاریسی گؤستردیگی و قیسا مدتده توتولدوق‌لاری بیلینیر. تورکیه‌نین بیر چوخ مشهور سیماسی‌نین دا محکوم اولا‌راق قالدیغی قالانی مشهور ائدن ماهنی‌نین سؤزلرینی 1933-ده یازان شاعر ساباه الدین علی اولموش‌دور.
"دیشاردا دلی دالغا‌لار، گلیر دیوارلاری یالار.
سنی بو سس‌لر ایلندیرر، آلدیرما گؤنول آلدیرما. "
ایندیکی واختدا موزه اولا‌راق ایستیفاده ائدیلن قالا حبس‌خاناسی و ساخلادیغی یوزلرله مدنی و طبیعی گؤزللیگیله سینوپ زیارتچی‌لرینی گؤزلییر. آرگولوژی و اتنوگرافیا موزه‌لری، مسجیدلری و مدره‌سه‌لری گولر اوزلو اینسان‌لاری سیزلری قارشیلایا‌جاق. گونون بیرینده اؤلکه‌میزین قارا دنیز ساحل‌لرینه یولونوز دوشسه اؤزونه خاص لذت‌لری، مینیاتور گمی ائدن آتؤلیه‌لریله دقت چکن سینوپ مانتی‌سین‌دان یئمک‌نیزی، شهرین بیر چوخ یئرینده اولان کوی‌لاردان دنیزه گیرمه‌نیزی توصیه ائدیریک. بیر باشقا پروقرامدا تکرار گؤروشمک دیلگیله خوشچا قالین.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
