تورکیهنین کولتور خزانه‌سی (36)
ماردین موقعیتی اعتباریله روما ایمپراتورلوغونون ان شرقده اولان گارنیزونونا ائو صاحب‌لیگی ائدیردی
تورکیهنین کولتور خزانه‌سی (36)
تورکیهنین مدنیت خزانه‌لرینی بو هفته سیزلره تورکیهنین موزه شهر خصوصیتی داشییان بنزرسیز مدنی وارلیقلارییلا دقت چکن ماردین ویلایتده تانیداجاغیق. ماردین جنوب-شرقی آنادولودا دیارباکیرین 80.کیلو متر جنوبوندا تورکیه سوریه -ایران مرزینده یئر آلیر. یوکسک بیر تپه‌ده یئر آلان شهر جنوبا دوغرو گؤز آلا بیلدیگینجه اوزانان حتی سوریه و عراقدا دا داوام ائدن قیزیل تپه دوزن‌لیگینه باخیر. شهرین مسکونلاشماسی جنوب‌داکی گئنیش دوزن‌لیک‌لری و دوزلوکلری سئیر ائتمنیزه ایمکان وئریر. گؤز آلدانماسی نتیجه‌سینده اووا سانکی دنیز کیمی قبول ائدیلیر.
----------
ماردین موقعیتی اعتباریله روما ایمپراتورلوغونون ان شرقده اولان گارنیزونونا ائو صاحب‌لیگی ائدیردی. ماردین‌ده چوخ یاخین اولان آنتیک دارا شهری بؤیوک بیر نیظامی گارنیزونا صاحب ایدی. روما و فارس‌لار-ساسانی‌لر آراسین‌داکی چاتیشما‌لاردا تئز-تئز ال دییشدیرمه‌سینه باخمایا‌راق عمومیتده آنتیک بیر روما شهری اولا‌راق گونوموزه گله بیلمیش‌دیر. ماردین عینی زاماندا خریستیان عرب‌لر اولان سوریانیلر تورکیه‌ده ان چوخ یاشادیغی بؤلگه‌دیر. سوریانیلر دینی مرکزی موقعیتین‌دکی دیرالظفران موناستیری ماردینه چوخ یاخین. آتشه تاپینیلان بیر تاپیناقکن خریستیان‌لیق سونراسی اوّل کیلسه‌یه چئوریلیب داها سونرا تئولوژی تحصیلی‌نین ده وئریلدیگی راهیب‌لرین چوخ اولا‌راق اولدوغو بیر موناستیرا چئوریلمیش‌دیر. سوریانیلر جمهوریتمیزین قوروجوسو آتاتورک‌دن ده بؤیوک حؤرمت گؤرموش و دینی عبادت‌لرینی آزاد شکیلده یاشاما‌لارینا ایمکان تامین ائدیلمیش‌دیر. ماردین مرکزینده و رایون‌لاریندا ده سوریانیلره عایید کیلسه‌لر ایندیکی واختدا ده حیاتینی داوام ائتدیریر. ماردین‌ین میدیات محلی ده سوریانیلر اوچون خصوصی بیر اهمیته مالیک‌دیر. بورادا ائدیلن گوموش ایشچی‌لیگی و کویومجولوغون اونو تورکیه مرزلری‌نین کنارینا داشینمیش‌دیر. سوریانیلر اوچون خصوصی اهمیته صاحب طاووس قوشو موتیو‌لی گوموش سیرغا‌لار، بروخ‌لار دونیانین دؤرد بیر یانینا بورا‌دان یول‌لانیر.
---------
ماردین 641-جی ایلده اموی اوردولارین فتح ائدیلرک ایسلام دؤورو یاشانماغا باشلادی. شهر و اطرافینا یئرلشن عرب اها‌لی شهری آبادلیق ائتمه‌یه و گونوموزه قدر گلن بیر-بیرین‌دن گؤزل تاریخی اثرلری بوراخماغا باشلادی. بؤلگه‌سل بؤیوک سلجوق‌لو ایمپراتورلوغو زامانیندا تورک حاکمیتینه کئچدی. بورادا وظیفه‌لن‌دیریلن آتابی‌لر آردیق غازی سلجوق‌لو دولتی‌نین ییخیلماسییلا موستقیل‌لیگینی اعلان ائتدی. ماردین‌دکی ان اسکی مسجیدلردن بیری اولان اولو مسجید 1176دا تیکیلدی. ظریف آرتوک‌لو معماریسی شهره دامغاسینی وورموش وضعیتده. دیلیم‌لی گونبزلرله فورما‌لاشان مسجیدلر ماردین‌ین منظره‌سینه حاکم‌دیر. مسجیدلرین یانیندا آرتوک‌لو دؤورونده او زامانین اونیورسیته‌لری اولان مدره‌سه‌لرینده اینکیشاف ائدن علم ده دقت چکر. جیزره‌‌لی ال جزرینین 12. یوز ایلده یازدیغی اوتوماتو آدلی کیتاب روبوت علمین آتاسی اولا‌راق قبول ائدیلیر. ماردین تراس شکلینده یوخارییا دوغرو دوزولموش ائولره صاحب. ایقلیمین ایستیلیگین‌دن اؤتورو دام‌لاری اولمایان عمومیتله داش‌دان ائدیلن بو ائولرده موطلق بیر ایچ حیاط وار. یاز گئجه‌لری ائولرین دام قاتیندا اویونور. دار کوچه‌لرده ماشینله گزمک دولاشماق بئله چتین. سون ایللرده آرتان بیر شکیلده یئرلی خاریجی توریست‌لر طرفین‌دن زیارت ائدیلیر. سوریه و عراقدا سیاسی ثابیتلیگین تامین ائدیلمه‌سی حالیندا اؤلکه‌میزین اهمیت‌لی توریزم بؤلگه‌لرین‌دن اولماسی گؤزلنیلیر.
----------
ماردین میدیات یولو واسطه‌سیله حسن کئیف‌ه باغلانیر. شانلیورفایا حرران و گؤبک‌لی تپه‌یه یاخینلیغییلا دقت چکر .ماردینه گئتدیگینیزده بنزرسیز یئمک‌لری‌نین دادینا باخارکن آدانا-اورفا اولا‌راق آدلان‌دیریلان مشهور تورک کبابی‌نین ماردین نوعونو ده دادمانیزی مصلحت‌دیر. بیر باشقا پروقرامدا اؤلکه‌میزین بیر باشقا مدنیت مرکزیله تکرار سیزلرله اولماق دیلییله.
ایلگیلی‌لی خبرلر
تورکیهنین کولتور خزانه‌سی (51)
سارنیج 527-565 تاریخ‌لری آراسیندا شرق روما ایمپراتورو اولان 1. ژوستینین دؤورونده ائدیلدی
