تورکیهنین کولتور خزانه‌سی (40)
تورک حامامییسا تاریخی اولا‌راق روما حامامیندان چوخ سونرا‌دیر، ساده اولماسی ایله دقت چکر. سوی‌لو اولسون خالق‌دان بیری اولسون عینی حامامی ایستیفاده ائدیر
تورکیه کولتور خزانه‌سی (40)
تورکیهنین کولتور خزانه‌لرینی بو هفته سیزلره تورک حامامینی تانیداجاغیق. دونیادا حدین‌دن آرتیق ایستیلیگیله بیلینن تورک حامامی روما حامامیندان چوخ فرق‌لی‌دیر. کلاسیک بیر روما حامامی بیر چوخ بؤلومدن عبارت‌دیر. صاباح قالخان آدام آخشام ائوینه یاتماغا گئدنه قدر حامامدا قالابیلیر ایدمان، اوزمه، کیتاب اوخوما، یئمک یئمه کیمی بیر چوخ خیدمت روما حامامیندا یئر آلیر. اوستا و کؤله‌لر اوچون فرق‌لی بؤلوملر تاپی‌لار. تورک حامامییسا تاریخی اولا‌راق روما حامامیندان چوخ سونرا‌دیر، ساده اولماسی ایله دقت چکر. سوی‌لو اولسون خالق‌دان بیری اولسون عینی حامامی ایستیفاده ائدیر. آنا عنصورلار بنزرلیک گؤستریر. زمین‌ین آلتین‌دان ایستی سو و یا سو بوخاری‌نین تونل‌لر واسطه‌سیله دولاشدیریلماسی عینی‌دیر. کولهان اولا‌راق آدلان‌دیریلان یئرده هر ایکی حامامدا دا سویو قیزدیرماق اوچون چوخلو میقداردا اودون ایستیفاده ائدی‌لر. حاماما گیریلدیگینده پالتارلارین چیخاریلیب قویولدوغو سوغوکلوکدا عینی زاماندا حامام پالتاری اولان بئلی قوجاقلایان پئشتمال گئیی‌لر. ایلیکلیک بؤلومو روما و تورک حامامیندا عینی‌دیر. آردین‌دان اصل ایستی حیسه‌یه کئچی‌لر. تورک حامامیندا چیممک تورک‌لر اوچون تام بیر مدنی حادثه‌دیر. اؤزونو گونده‌لیک حیات ایچینده چیرکلنمیش، یورغون حیس حاماما گئدیب ییخاندیغیندا بوتون چیرک‌لرین‌دن هم مادی هم معنوی اولا‌راق تمیزلنمیش و یئنی‌لنمیش بیر شکیلده چؤله چیخار.
----------
تورک‌لر 10.یوز ایل.دن اعتباراً اورتا آسیادا ایندیکی واختدا ایران، پاکیستان، هیندیستاندا حاکمیت قوران غزنه دولتی دؤورونده یئرلشیک یاشاما کئچمه‌یه باشلادی‌لار. یئرلشیک یاشاما کئچمدن اوّل گؤچبئیدیلر. یایلا و قیشلاق آدی وئریلن ایکی آیری بؤلگه‌ده حیات‌لارینی داوام ائتدیریردیلر. یازین حیوان‌لارین چوخلو اوت تاپاجاغی یایلا‌لارا گئدیلیر، قیشینسا قیشلاق آدی وئریلن یئرلرده قیش کئچیریلیردی. حیات چادیرلار ایچینده کئچیردی. چادیر حیاتی ایچینده حاماما احتیاجلاری اولموردو. ایندیکی واختدا بئله آنادولونون موختلیف بؤلگه‌لرینده یاشایان کؤچری‌لر تاختا‌دان اویدوق‌لاری بورولارلا بیر سو منبعیین‌دن گتیردیک‌لری سویلا چادیر ایچینده یویونور. تمیزلنمک اوچون آخار سولار و گؤل‌لر ده دیگر واریانت‌لاری میدانا گتیریردی. تورک‌لر آنادولودا کوتله‌لر حالیندا یئرلشیک یاشامدا کئچمه‌یه باشلایاندا حامام احتیاجی دا میدانا گلدی. اؤزللیکله عثمانلی‌لار فتح ائتدیک‌لری شرق روما شهرلرینده گؤردوک‌لری روما حامام‌لارینی اؤز مدنیت‌لرینه گؤره دییش‌دیره‌رک گونوموزه قدر چاتان تورک حامامینی میدانا گتیردی‌لر. حامام‌لار آراسین‌داکی ایلک تاثیر آلمالار و سیناق‌لار بورسا دا گؤروله بیلر. بورسانین فتحی ایله نیلوفر سمتی کیمی تامامیله تورک مسکونلاشما‌لاری یارادیلدی. مسکونلاشما مرکزینده ایلک تیکیلن بینا حامامدی. عثمانلی تورک-ایسلام فلسفه‌سینه گؤره هر هانسی بیر سببله چیرک‌لنن اینسان تمیزلنمه‌دن ناماز قیلا بیلمز. ناماز بئله قیلا بیلمه‌ین موسلمان مسجید یا دا بیر باشقا بینانین تیکیلمسینده ده ایشله‌یهبیمز. بو فلسفی دوشونجه ایشیغیندا ائدیلن حامام‌لار بیتیب ایشه باشلادیق‌دان سونرا درحال یانیندا مسجید، آش ائوی، مدرسه، بازار کیمی دیگر بینا‌لار شکیللنیردی. بورسا دا تطبیق اولونان بو مودئل یئنی فتح ائدیلن یئرلرده و سونراکی عصرلرده تکرارلاندی. بیناسی اولونجا عینی زاماندا بیر مدنیتی‌نین ده فورمالاشماسی قاچینیلماز ایدی. حامامدا ایستیفاده ائدیلن دسمال‌لار، بئله ساریلان پئشتماللر و یاش زمینده سوروشمه‌دن گئتمگی تامین ائده‌جک نالین‌لار چیخاریلدی. گوزگولر، داراخار، حامام تاسی، سو کورناسی و گؤبک داشی کیمی مدنی ائلمنت‌لر فورما آلدی. بیر تورک حاماما گئتدیگینده کورنا‌دان آلدیغی بیر تاس سویلا بدنینی ایسلاددیقدان سونرا ایستی‌لیک بؤلومونون تام مرکزینده اولان گؤبک داشیندا یاتار. گؤبک داشی‌نین اوستونده یوکسک بیر قوببه یئر آلیر. قوببه معماری اولا‌راق بوخارین یوخاری چیخماسینا و اورا‌دان سرین سو داملا‌لاری‌نین آشاغییا دوشمه‌سینه یول آچار. گؤبک داشینا یاتان یاخشیجا ترلر. تورکجه‌ده آتاسؤزلرینی بئله یئر تاپان "حاماما گیرن ترلر". بیر ایشه جهد ائدن نتیجه‌سینه دؤزر. گؤبک داشیندا قیسا مدتده بدن یاخشیجا یومشالدیغیندا تئللاق- یویوجو طرفین‌دن کسئلنرک چیرک‌لرین‌دن تمیزلنی‌لر. کیسه و آردین‌دان ائدیلن کؤپوک دوشو-ماساژ سونراسی اؤزونوزو دونیانین ان خوشبخت اینسانی کیمی حیس ائدرسینیز. تورک حامام‌لاری عمومیتله تک بیر بینا‌دان عبارت‌دیر. هفته‌نین بعضی گون‌لری و یا معین ساعت‌لار قادین‌لارا آیریلیر. بعضی سلطان‌لار، پادشاه‌لار و بئیلر طرفین‌دن ائتدیریلن بؤیوک حامام‌لاردا قادین و کیشی حیسه‌لری آیری ائدیلمیش‌دیر. چیفته حامام اولا‌راق آدلاندیریلیرلار. بیر-بیریله اصلا قارشیلاشیلمایاجاق شکیلده ایکی آیری قاپی‌دان کیشی و قادین بؤلوم‌لرینه گیری‌لر. پادشاه‌لار و زنگین‌لر سارای‌لاریندا آیری حامام‌لار ائتدیرمیش‌دیر. غرب سیاح‌لارین یازدیق‌لاری سیاحتنامه‌نین اؤوه اؤوه بیتیره‌مدیکلری حامام مدنیتی غربده بؤیوک سس-صدا ماراق دوغورموش‌دور. حدین‌دن آرتیق ایستی یئرلری تصویر ائتمک اوچون تورک حامامی دئییمی ایستیفاده ائدیلمه‌یه باشلامیش‌دیر. سیاح‌لارین کیمی خیال محصولو ایضاح ائتدیک‌لری بعضی شئی‌لر تورک حامامینی هئچ ده اولمادیغی قدر اکزوتیک بیر هاوایا سوخموش‌دور.
---------
ایندیکی واختدا تاریخی کنتلریمیزده تاریخی توریستیک حامام‌لاری گؤرمک مومکون. عینی زاماندا تعطیل بؤلگه‌لرینده بیر چوخ اوتئل تورک حامامینا صاحب. اؤزونوزو یئنیلمک ایستییرسینیزسه حامام گؤزل بیر واریانت‌دیر. ان قیسا مدتده بیر تورک حامامینی زیارته دعوت ائدیریک.
ایلگیلی‌لی خبرلر
تورکیهنین کولتور خزانه‌سی (51)
سارنیج 527-565 تاریخ‌لری آراسیندا شرق روما ایمپراتورو اولان 1. ژوستینین دؤورونده ائدیلدی
