تورکیهنین کولتور خزانه‌سی (42)
شهرین ان اهمیت‌لی تاریخی اثری اولان آفرودیتا معبدی آسور‌دان بورایا گلن آسور‌لار طرفین‌دن اؤز گؤزل‌لیک تانریچا‌لاری‌نین اولان ایشتار-ا آدانمیش
تورکیهنین کولتور خزانه‌سی (42)
تورکیهنین مدنیت خزینه‌لرینی بو هفته سیزلره اؤلکه‌میزین یونسکو دونیا مدنی میراث لیسته‌سین‌دن اهمیت‌لی بیر آنتیک شهری تانیداجاغیق. آفرودیسیاس آنتیک شهری اژه بؤلگه‌سینده آیدین ویلایتینده نازیل‌لی یاخین‌لاریندا گئیری کندینده یئر آلیر. آفرودیتا یونان میفولوژیسینده گؤزل‌لیک تانریچه‌سی شهر گؤزل‌لر گؤزلی بو تانریچه‌یه اتحاف ائدیلمیش. میلاددان اؤنجه 2.یوز ایل‌دان اعتباراً بو آدلا خاطیرلانان شهر هلینیستیک و روم دؤورونده بؤیوک اهمیت قازاندی. خصوصیله هئیکلچی‌لیک صنعتینده چوخ باشاری‌لی اولان شهر دونیانین دؤرد بیر یانینا هئیکلتراش‌لار و هیکل‌لر یوللویوردو. روم ایمپراتورو آوگوستوسون "آسیادا بو شهری اؤزوم اوچون سئچدیم" دئدی. کاریا بؤلگه‌سی‌نین باشکندی موقعیتینده اولان شهر بیر-بیرین‌دن ماراق‌لی عابده‌لرله، سوتون‌لو آگوراسییلا، تتراپیلون-دؤردلو قاپی اولا‌راق آدلان‌دیریلان آنیتسال قاپیسییلا، ایستادیومویلا بوتون دقت‌لری اوزرینده ییغیر. شهر آفرودیتا معبدی و اونا حصر شؤلنلرله تانینیردی.
----------
آفرودیسیاس آنتیک شهری‌نین کشفی تامامیله بیر تصادف اثری‌دیر. تورکیهنین یئتیشدیردیگی ان اهمیت‌لی فوتوشکیل صنعتچی‌لرین‌دن آرا گولر بیر گون فوتوشکیل چکمک اوچون بؤلگه‌یه گلیر. گئیره کندینده کندلی‌لرین تیکینتیلرینده بیر چوخ آنتیک داشی و سوتونو ایستیفاده ائتمسی دقتینی چکر. بون‌لارین هارا‌دان گتیریلدیگینی سوروشدوقدا اونا آنتیک شهرین یئری گؤستریلیر. همن فوتوشکیل چکمه‌یه باشلایان آرا گولر بو فوتوشکیل‌لری صنعتچی یولداشلارییلا پایلاشار. بیر آمریکا ژورنالینا فوتوشکیل‌لری گؤندرمه‌سی و 1990-جی ایلده اؤلومونه قدر بوتون کارییرینی بورایا حصر ائدن آرکولوق کئنان اریمین یازیلارییلا و 1959-جو ایلده باشلاتدیغی قازینتی‌لارلا دونیا طرفین‌دن تانینماغا باشلاییر.
-------------
شهرین ان اهمیت‌لی تاریخی اثری اولان آفرودیتا معبدی آسور‌دان بورایا گلن آسور‌لار طرفین‌دن اؤز گؤزل‌لیک تانریچا‌لاری‌نین اولان ایشتار-ا آدانمیش. میلاددان اؤنجه 1. یوز ایل'ده تیکیلمه‌سینه باش‌لانان معبد آنادولویا عاید ایون طرزی سوتون سریاللارییلا و نورمال‌دان چوخ اولان آچیقلیغییلا نظرده توتولموش‌دور. میلاددان سونرا 130-جی ایلده روما ایمپراتورو هادریان طرفین‌دن مقدس ساحه‌سی چئوره‌لین دیوارلاری بیتیریلرک تاماملانابیلمیشدیر. معبدین ایچینده یالنیز راهیب‌لرین گیره بیلدیگی مقدس منطقه‌یه ده آفرودیت‌ین بؤیوک بیر هیکلی وار ایدی. معبد 5.یوز ایل'ده خریستیانلیغین تاثیریله کیلسه‌یه چئوریلمیش بؤیوک نیسبتده ضرر گؤرموشدور.
---------
آفرودیسیاس هیکل صنعتی باخیمین‌دان دا بؤیوک بیر اهمیته مالیک‌دیر. بورادا اورتیلن و آیدین مکتبی دئیه تعیین اولونان گوج‌لو بیر هیکل اوسلوبونا مالیک‌دیر. تاریخ بویونجا اهمیت‌لی هیکلجیک وطنی اولان بو تورپاق‌لار ایندیکی واختدا ده موختلیف هیکل سمپوزیوم‌لارینا و چالیشتای‌لارینا دا ائو صاحب‌لیگی ائدیر. آنتیک هیکلتراش‌لار ان محتشم اثری آفرودیسیاستا صنعتلرینی گؤسترمک اوچون ائتدیک‌لری تتراپیلون-دؤردلو قاپیدیر.
--------
آفرودیسیاس آنتیک شهرینده آمریکا‌لی، اینگیلیس و تورک آرکولوق‌لارین چوخ میلت‌لی بیر شکیلده رئاللاشدیردیق‌لاری قازینتی‌لاردا اورتایا چیخاریلان اثرلر آفرودیسیاس موزه‌سینده سرگیلنمکده‌دیر.1979 ایلینده خیدمته گیرن موزه هیکل و قابارتما اثرلریله ماراق دوغورور. 1987-جی ایلده یونسکو مدنی میراث لیسته‌سینه گیرن شهر 2004-جی ایلده متخصص‌لر یارادیلان مونصیفین سسوئرمه‌سی ان یاخشی 10 آنتیک شهر آراسینا گیرمیش‌دیر.
-----------
آنتیک شهرین اوستونده قورولان گئیری آدلی مسکونلاشما مرکزی‌نین آدی‌نین ده آنتیک بؤلگه آدی اولان کاریا آدی‌نین تورکچه‌لشدیریلمسیله اورتایا چیخدیغی دوشونولور. بو کندده اژه بؤلگه‌سی‌نین عنعنوی قوناق‌پرورلیگینی و آنادولو اینسانی‌نین ایستی‌لیگینی تاپا بیلرسینیز.
ایلگیلی‌لی خبرلر
تورکیهنین کولتور خزانه‌سی (51)
سارنیج 527-565 تاریخ‌لری آراسیندا شرق روما ایمپراتورو اولان 1. ژوستینین دؤورونده ائدیلدی
