تورکیهنین کولتور خزانه‌سی (48)
آماسیا شهری هیتیت‌لر دؤورونده ایلک قورولدوغو گون‌دن بری مین‌لرله ایلدیر عینی آدی داشییان نادیر یاشاییش مرکزلرین‌دن بیری. 3000 ایللیک کئچمیشه صاحب شهر یئشیل ایرماک چایی ساحلینده یئر آلیر
تورکیهنین کولتور خزانه‌سی (48)
تورکیهنین کولتور خزانه‌لرینی بو هفته سیزلره ایچ قارا دنیز بؤلگه‌سینده یئر آلان شاهزاده‌لر شهری اولا‌راق دا بیلینن آماسیانی تانیداجاغیق.
آماسیا شهری هیتیت‌لر دؤورونده ایلک قورولدوغو گون‌دن بری مین‌لرله ایلدیر عینی آدی داشییان نادیر یاشاییش مرکزلرین‌دن بیری. 3000 ایللیک کئچمیشه صاحب شهر یئشیل ایرماک چایی ساحلینده یئر آلیر. چایین قیوریم‌لاری قالانی سالدیری‌لارا قارشی قورویار. آماسیا قالاسی‌نین چایا باخان یاماج‌لاریندا قایا‌لیق‌لارا اویولموش آنیتسال قایا کرال مزارلاری وار. بو قایا مزارلاری آنتیک دؤور یونان-فارس-ارمنی معماریسی خصوصیت‌لری‌نین قاریشیغی‌دیر. میلاددان اؤنجه 69دا دوغان و جوغرافیا علمی‌نین قوروجوسو اولا‌راق قبول ائدیلن استرابون، آماسیا‌لی‌دیر. اونا گؤره افسانوی قادین قبیله‌سی آمازون‌لارین کرالیچه‌سی آماسیس ده آماسیا‌لی‌دیر. یوکسک بورچلارییلا دقت چکن قالا چایین ده قوروما ساغلاماسییلا بیر چوخ ایشغال تلاشینی اوغورلا سوووشدوردو. تئیمورون آنادولو سفرینده آلا بیلمدیگی نادیر شهرلردن‌دیر. بو خوصوصیتیله عثمانلی ایمپراتورلوغونون تکرار جوجردیگی یئر اولما خصوصیتینه مالیک‌دیر. ییل‌دیریم بئیازیتین 1402-جی ایلده آنکارا ساواشیندا امیر تئیمورا مغلوب اولماسی عثمانلی دولتی چتین‌لیک‌لی بیر مدت یاشاییر. 4 شاهزاده آیری یئرلرده رهبرلیک‌لرینی اعلان ائدر. آماسیادا اولان و بو شاهزاده‌لرین ان کیچیگی اولان چلبی محمت بو قارماشا‌لاردان باشاریلی چیخا‌راق عثمانلی ایمپراتورلوغونون تکرار بیرلیگینی تامین ائدر. چلبی محمتدن سونرا نوه‌سی اولان فاتیح سلطان محمت ده آماسیا والی‌لیگی ائده‌رک دولت رهبرلیگینه حاضیرلانیر. یاووز سلطان سلیم ده آماسیا والی‌لیگی ائدن شهزادلردن‌دیر. عثمانلی‌نین اهمیت‌لی صدرالعظم یعنی باش ناظیرلرین‌دن کؤرپولو محمت پاشا و مرزیفون‌لو قارا مصطفی پاشا دا مشهور آماسیا‌لی‌لاردیر. مرزیفون‌لو قارا مصطفی پاشا 1683دکی 2. وین‌ه محاصیره‌سین‌دن رئال‌لاش‌دیران آدام‌دیر. عثمانلی ایمپراتورلوغو بویونجا بیر چوخ اهمیت‌لی اثر قازان‌دیریلان شهرده ان اهمیت‌لی تاریخی اثرلردن بعضی‌لری اولان بئیازیت مسجیدی و سابونچو اوغلو طب تاریخی موزه‌سی ان دقت چکن یئرلردن‌دیر. یئشیل ایرماک ساحلینده 1800-جو ایللره تیکیلن بؤیوک بیر تاریخی قوناق ایندیکی واختدا تعمیر ائدیله‌رک شاهزاده‌لر موزه‌سی اولا‌راق زیارته آچیلمیش‌دیر. بورادا وظیفه ائدن شاهزاده‌لرین و پادشاه‌لارین بال مومون‌دان هیکل‌لری او دؤورو عکس ائتدیرن پالتارلار ایچینده زیارتچی‌لرین ماراغینا باشاریلی بیر شکیلده تقدیم اولونور.
--------
آماسیا آلمازی دا مارکا دگری اولان اکینچی‌لیک بیر محصول اولا‌راق تورکیهنین ان بینیلن ائلمالاریندان بیری‌دیر. کیچیک قیرمیزی آلمانین اونو اؤلکه مرزلرینی چوخ‌دان آشمیش وضعیتده‌دیر. یئشیل ایرماک بویونجا یئر آلان دره لرده یئتیشن بو گؤزل، لذت‌لی آلما سئویله‌رک مصرف ائدی‌لر. آماسیانین خالق آراسیندا ان مشهور افسانه‌لرین‌دن بیری فرهاد ایله شیرین حکایه‌سی‌دیر. فرهاد مشهور بیر نقاش رسام‌دیر. یئنی بیر کؤشک ائتدیرن سلطان، فرهادا سارایین بزنمه‌سینه ائتمه وظیفه‌سی وئریر. بوتون هنرلرینی گؤستره‌رک ایشه باشلایان فرهاد، گونون بیرینده کؤشکو زیارته گلن سلطانین قیزی شیرین‌ین گؤرور اونا عاشیق اولور. سلطان قیزینی اونا وئرمک ایستمز. خیر ده دئیه بیلمز، چونکی قیزین دا اوندا قلبی واردیر. سلطان، فرهاددان آلما داغینی دئشه‌رک آماسیایا ایچمه سویو گتیرمه‌سینی ایستییر. خالق شیرین سویا بؤیوک بیر احتیاج دویماقدا‌دیر. شیرین‌ین عشقیله یانیب، آلوو‌لانان فرهاد بو وظیفه‌نی قبول ائدر و ایشه باشلاییر. عاشق اهتیراسییلا اوزون ایللر داوام ائدن تلاشلاری نتیجه وئریر داغی دئشن فرهاد شهره سویو گتیریر، خالقین سوسوزلوغو اوزون ایللره چاتا‌جاق شکیلده آرا‌دان قال‌دیری‌لار. سئوگی‌لی‌سی شیرین‌ه قوووشار. آنادولودا، قافقازدا و ایراندا بنزری حکایه‌لرین ایضاح فرهاد و شیرین‌ین خاطیره‌سینه آماسیادا عاشیق‌لار موزه‌سی تیکیله‌‌رک توریست‌لرین زیارتینه آچیلمیش‌دیر.
------
آنادولونون ان اوزون سولارین‌دان اولان یئشیل ایرماغین ساحلینده تاریخی ائولری، موزه‌لریله و قالاسیله دقت چکن آماسیا شهرینی سیاحیق دیلییله.
ایلگیلی‌لی خبرلر
تورکیهنین کولتور خزانه‌سی (51)
سارنیج 527-565 تاریخ‌لری آراسیندا شرق روما ایمپراتورو اولان 1. ژوستینین دؤورونده ائدیلدی
