TRT Ispan Digital Habar Platformasy Düşümli Bolsun

Türkiýäniň radio-telewideniýe guramasy TRT-niň daşary ýurt dillerindäki digital habar platformalarynyň sany gün saýyn artýar.

TRT Ispan digital habar platformasy dabaraly ýagdaýda açyldy.

Halkara ýaýlymlary bilen Türkiýäniň sesini dünýäniň çar tarapyna ýetirmegi maksat edinen TRT, TRT World, TRT Arapça, TRT Rusça, TRT Nemesçe, TRT Fransuzça, TRT Balkan we TRT Afrikadan soň TRT-niň ispan dilindäki digital habar platformasy ýaýlymlaryna başlady.

TRT-niň Ispan dilindäki digital habar platformasynyň tanyşdyrlyş çäresi TRT-Ispan dilinde gepleşýän ýurtlaryň 1-nji ýaýlym sammitiniň ikinji gününde TRT-niň Baş müdüri Mehmet Zahid Sobajynyň ýolbaşçylygynda geçirildi.

TRT-niň Baş müdüri Mehmet Zahid Sobajy açylyş dabarasynda eden çykyşynda, TRT hökmünde 17 telewideniýe, 17 radio kanaly, daşary ýurt dillerindäki digital habar platformalary, halkara sanly digital platformasy “Tabii”, 4 žurnaly, 41 dildäki we dialektdäki internet we radio ýaýlymlary bilen dünýäniň 7 materiginde ýaýlym berýändigini gürrüň berdi.

Dünýä ýurtlarynyň Ysraýylyň Gaza Sektoryna garşy 7-nji oktýabrdan bäri guraýan hüjümlerine degişli gaýtawuly görkezip bilmändigini aýdan Sobajy, dünýäniň uly adamzat synagyndan geçip bilmändigine şaýatlyk edýändiklerini nygtady.

Günbatarly köpçülikleýin habar beriş serişdeleriniň başdan geçirlen wakalary gizlemäge çalyşýandygyny nygtan Zahid Sobajy, “TRT hökmünde Gazada, Jebaliýede, Han Ýunusda we Rafahda başdan geçirlen wakalary 41 dildäki we dialektdäki internet we radio ýaýlymlary bilen dünýäniň çar tarapyna, uly halk köpçüligine ýetirilmegi üçin tagalla edýäris”diýdi.

Prezidentiň ýanyndaky Kommunikasiýalar edarasynyň başlygy Fahrettin Altunyň, TRT-niň Baş müdüri Mehmet Zahid Sobajynyň we ispan dilinde gepleşýän 18 ýurduň köpçülikleýin habar beriş serişdeleriniň ýokary derejeli ýolbaşçylarynyň gatnaşmagynda TRT Ispan digital habar platformasy dabaraly ýagdaýda açyldy.